PSGk irabazi du Txapeldunen Liga, Inter jipoituta (5-0)
PSGk bere lehen Txapeldunen Liga irabazi du Inter Milanen aurka erakustaldia emanda, eta 5-0 garaitu du. Aurrekaririk gabeko erakustaldia eman du Allianz Arenan, eta markagailuan inoiz izan den alderik handiena jarri du, nahi bezala jokatuta.
Parisko taldeak goitik behera menderatu du partida. 12. minutuan, Hakimik ireki du markagailua (1-0). Zortzi minutu geroago, 20.ean, Douek jaurtiketa egin du, baloiak Dimarco jo du eta sare barruan amaitu du (2-0).
Bigarren zatia hasi bezain laster, Douek erabakita utzi du partida. Dembelek orpoz jo dio baloiari zelai erdiko presioa askatzeko, Vitinhak pasea eman eta Douek bikain bukatu du jokaldia (3-0).
Parisko konbinatua, baina, ez da konforme geratu. Kvarak laugarren gola egin du (4-0) 73. minutuan, eta 87. minutuan biribildu du PSGk markagailua, Mayuluk bosgarrena eginda (5-0).
Fitxa teknikoa:
5 - PSG: Donnarumma; Hakimi, Marquinhos, Pacho, Nuno Mendes (Lucas Hernandez, 78. min); Joao Neves (Zaire-Emerey, 84. min), Vitinha, Fabian Ruiz (Mayulu, 84. min); Doue (Barcola, 66. min), Dembele, Kvaratskhelia (Gonzalo Ramos, 84. min).
0 - Inter Milan: Sommer; Pavard (Bisseck, 54. min) (Darmian, 62. min), Acerbi, Bastoni; Dumfries, Barella, Calhanoglu (Asllani, 70. min), Mkhitaryan (Carlos Augusto, 62. min), Dimarco (Zalewski, 54. min); Thuram, Lautaro Martinez.
Golak: 1-0, 12. min: Hakimi. 2-0, 20. min: Doue. 3-0, 63. min: Doue. 4-0, 73. min: Kvaratskhelia. 5-0, 87. min: Mayulu.
Epailea: Istvan Kovacs. Txartel horia atera die Doue, Hakimi, Zalewski, Thuram eta Acerbi jokalariei eta Inzaghi entrenatzaileari.
Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.