Athleticek 2-0 garaitu du Reala San Mamesen jokatutako derbian
Athletic atera da garaile San Mamesen Realaren aurka jokatutako derbian, F Ligako 19. jardunaldiko partidan. Emaitza horri esker, zuri-gorriak hirugarren dira orain sailkapenean, 35 punturekin; donostiarrak, aldiz, bosgarren dira, 32 punturekin.
Lehen minutuetan, bilbotarrak nagusi izan dira, zelaian oso ondo hartu baitute lekua lehen minututik. Hala ere, Reala jokoaren kontrola hartzen joan da, eta arriskua sortu du Nanclares atezainaren inguruan.
12. minutuan, lehen aukera argia izan dute txuri-urdinek, baina Amaiurren jaurtiketa ederto urrundu du Nanclaresek.
Reala ondo aritu da bere jokoa eraikitzen, eta Athletic ere txukun bere presioari eusten.
15. minutuan, Ane Azkonak jaurtiketa egin du eta baloia kanpora joan da, gutxigatik. Realaren erantzuna Nerea Eizagirrek eman du, Nanclares ez da oso txukun ibili aldaratzean, baina jokaldiak ez du bestelako ondoriorik izan.
Athleticen lehen gola 27. minutuan iritsi da. Pinedok erasoko jokaldia abiatu du eskuineko aldetik, eta horren erdiraketa Ane Azkonak errematatu du, zuri-gorriak markagailuan aurretik jartzeko.
Golak lasaitasuna eman dio etxeko taldeari, eta bisitariak erasoan arriskuak hartzera bultzatu ditu. Lehen zatian, baina, ez da gol gehiagorik izan.
Azkonak, bigarrena
Atsedenaldiaren ostean, Mirarik 1-1eko egiteko aukera izan du; Nanclares bikain aritu da, ordea, berriro ere, eta ezerezean utzi du Realaren aukera. Sanchez Veraren taldea gogotsu atera da aldagelatik berdinketaren bila.
58. minutuan, Mirarik aukera argia izan du markagailua parekatzeko, baina gola ondorengo jokaldian iritsi da, beste atean. Vilariñok abiatu du etxekoen jokaldia, eta Ane Azkonak sartu du baloia bisitarien atean (2-0).
Txuri-urdinek kolpea hartu dute bigarren golarekin, eta, saiatu diren arren, ez dute erasoan minik egitea lortu. Garaipena Athleticek eskuratu du, eta zuri-gorriak hirugarren dira orain F Ligako sailkapenean, Bartzelonaren eta Real Madrilen atzetik. Reala, aldiz, bosgarren postuan dago.
Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.