Bartzelonak bere bosgarren Superkopa irabazi du (5-0)
Bartzelonak Real Madril gainditu du igande honetan Espainiako Superkopako finalean (5-0), bosgarren aldiz txapelketaren jabe izateko.
Merengeak defendatzeko jarrerarekin eta jokorako tarte gutxirekin atera dira, katalanen nagusitasunaren aurrean. Ordu erdia pasata, Caroline Grahamek markagailua estreinatu du, aurrealdetik egindako jaurtiketa gurutzatu batekin.
Hortik aurrera, ez da Barça geldiarazteko modurik egon. Pajor poloniarra Mezaren ate aurrean jarri da lehen zatia erabakita uzteko bi gol gehiagorekin (2-0, 37. minutuan eta 3-0, 48. minutuan).
Aldageletatik bueltan, Patri Guijarro erdilariaren areaz kanpoko gol eder batek burumakur utzi du Alberto Torilen taldea (4-0). Alexia Putellasek ginga jarri dio partidari, buruz sartutako gol batekin (5-0).
Fitxa teknikoa:
5-Bartzelona: Cata Coll, Ona Batlle (Jana Fernandez, 78. min), Irene Paredes, Maria Leon, Fridolina Rolfö (Esmee Brugts, 65. min), Patri Guijarro (Keira Walsh, 85. min), Alexia Putellas, Aitana Bonmati, Caroline Graham (Salma Paralluelo, 65. min), Ewa Pajor, Claudia Pina (Vicky López, 78. min).
0-Real Madril: Misa Rodriguez, Antonia Silva, María Mendez, Maelle Lakrar, Olga Carmonam, Sandie Toletti, Caroline Weir (Athenea del Castillo, 67. min), Filippa Angeldahl, Alba Redondo (Eva Navarro, 66. min), Signe Bruun (Teresa Abelleira, 79. min), Linda Caicedo.
Golak: 1-0, 31. min: Caroline Graham; 2-0, 37. min: Ewa Pajor; 3-0, 45+4. min: Ewa Pajor; 4-0, 62. min: Patri Guijarro; 5-0, 85. min; Alexia Putellas.
Epailea: Olatz Rivera Olmedo. Txartel horia atera die Sandie Toletti eta Jana Fernandez jokalariei.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.