Athleticek derbia irauli du Osasuna garaitzeko (1-2)
Athleticek garaipena lortu du Osasunaren aurka (1-2) larunbat honetan Sadarren jokatu den euskal derbian, EA Sports Ligako 18. jardunaldian. Torrok aurretik jarri ditu gorritxoak, baina Guruzetaren eta Berenguerren bi golek hiru puntuak eman dizkiete zuri-gorriei urteko azken partidan.
Gorritxoek indartsu ekin diote neurketari, zaleen animoek bultzatuta etxeko urteko azken partidan. Presio handia eginda, Kike Barjaren eskutik iritsi da Osasunaren lehen abagunea, lehen aldiz hasierako hamaikakoan lesionatu zenetik, baina defentsa zuri-gorria adi egon da jokaldia eteteko. Athleticen erantzuna etorri da jarraian, bi abagune on izanda: Nicok orpoz izan du lehena eta Sergio Herrerak blokatu du Sanceten jaurtiketa ondoren.
Lehen jaurtiketen ostean, Osasunak intentsitatea jaitsi du, eta horrek mesede egin dio Athletici. Williams anaiek hartu dute erasoaren agintea, eta, banakako jokaldi batean, Iñakiren jaurtiketak Herrandori eskuan jo dio area barruan. Epaileak penalti adieraziko zuela zirudien, baina aurretik Osasunaren alde izandako falta bat adierazi du.
Athletic nagusi izaten ari zen arren, Osasunak ireki du markagailua. Geldikako baloi batean, Torrok defentsaren aldaratzea harrapatu du, eta jaurtiketa gurutzatu bat eginez bere taldea aurretik jarri du markagailuan (1-0).
Bost minuturen buruan, Guruzetak buruz bigarren zutoinera bidali du Williamsen erdiraketa, eta berdinketa jarri du markagailuan (1-1).
Lehen zatiko azken minutuetan, Oroz bigarren gola sartzeko zorian izan da, baina Unai Simon agertu da, geldiketa bikaina eginez gola saihesteko.
Bigarren zatia hasi eta berehala, Sancetek zelaia utzi behar izan du, atera jaurti ostean orkatilan min hartu baitu. Berenguerrek ordezkatu du. Zorte txar bera izan du Juan Cruzek, eta Bretonesek ordezkatu du.
Zuri-gorriek aurretik jartzeko aukera paregabea izan dute Williamsen bakarkako jokaldi bikain baten ostean, Guruzetaren jaurtiketarekin amaitu dena, baina Sergio Herrerak baloia kornerrera bidali du.
Jokoaren erritmoak behera egin du nabarmen, etxekoen defentsako despiste bat Athleticek aurretik jartzeko aprobetxatu duen arte. Unai Simonek jaurtiketa luzea egin du, gorritxoen defentsak huts egin du aldaratzean, eta Berenguer adi egon da baloia hartu eta, jaurtiketa gurutzatua eginez, gola egiteko (1-2).
Azken minutuak eroak izan dira, Osasuna partida salbatu nahian eta Athletic garaipena ziurtatu nahian. Azken txistuarekin, baina, Athleticek derbia eta hiru puntuak irabazi ditu.
Fitxa teknikoa:
1 – Osasuna: Sergio Herrera; Areso, Boyomo, Herrando, Juan Cruz (Bretones, 57. min); Moncayola (Pablo Ibañez, 46. min), Torro, Aimar (Arnaiz, 85. min); Ruben Garcia (Raul, 79. min), Budimir, Kike Barja (Moi Gomez, 57. min).
2 – Athletic Club: Unai Simon; Gorosabel (Vesga, 89. min), Vivían, Paredes, Yuri; Ruiz de Galarreta (Prados, 68. min), Jaureguizar; Iñaki Williams, Sancet (Berenguer, 48. min), Nico Williams (Yeray, 89. min); Guruzeta (De Marcos, 89. min).
Golak: Lucas Torró, 25. min: 1-0. Guruzeta, 31. min: 1-1. Berenguer, 75. min: 1-2.
Epailea: Quintero González (Andaluziako Batzordekoa). Txartel horia atera dio Guruzetari.
Zure interesekoa izan daiteke
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.