Realaren eta Osasunaren arteko derbia, etxekoak gorako bidean jarrita eta bisitariak gero eta sendoago direla
Realak eta Osasunak EA Sports Ligako 11. jardunaldiko derbia jokatuko dute igande honetan, urriaren 27an, Reale Arenan, 21:00etan. Bi taldeak oso antzeko egoeran daude txapelketan, taularen erdialdean (8. postuan dago Osasuna, eta 12.ean, berriz, Reala) eta bien artean 3 puntuko aldea bakarrik dagoela.
Txuri-urdinek ez zuten Liga hasiera ona izan, baina badirudi pixkanaka Imanol Alguacilek jokoarekin adiskidetzeko tekla aurkitu duela, azken partidetan hobekuntza nabarmena nabaritu baita; azken hiru jardunaldietan, bi garaipen eta berdinketa bat lortu ditu Realak.
Entrenatzaile txuri-urdinak hiru jokalari garrantzitsu ditu bueltan: Alex Remiro, Aihen Muñoz eta Igor Zubeldia. Arsen Zakharyan eta Hamari Traore, berriz, lesionatuta daude, eta Urko Gonzalez de Zarate eta Jon Magunazelaia ere deialditik kanpo geratu dira.
Gorritxoak, berriz, Vicente Moreno entrenatzaile berriaren aginduetara, irregularragoak izan dira. Barça jipoitu zuten, baina Getaferen aurka berdindu eta Betisen aurka galdu egin zuten. Hala ere, Europako postuetan sartzeko borrokan jarraitzen dute.
Valentziako entrenatzaileak jokalari guztiak ditu eskura lehen aldiz. Morenok ezustekoa eman du Ruben Garcia (ohiko titularra) deialditik kanpo utzita. Iker Muñoz eta Kike Barja deialdira itzuli dira.
Gauzak horrela, Realak irabaziz gero, 15 punturekin geratuko dira biak sailkapenean, baina Osasunarentzat ezinbestekoa da garaipena, Europa mailako txapelketa baterako sailkatzeko borrokan jarraitu nahi badu. Euskal derbia bihar jokatuko da, Donostian, 21:00etan hasita.
Zure interesekoa izan daiteke
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Asier Villalibre: "Beste Asier bat sentitzen naiz"
Asier Villalibre Racingeko jokalaria Racing taldean jokatzen ari da aurten, Athleticen eta Alavesen aritu ostean. Oso gustura dagoela azpimarratu du, betiko Asier sentitzen dela berresteaz gain.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Alaves-Sevilla, Eibar-Elx, Huesca-Osasuna, Eldense-Reala eta Ourense-Athletic, Kopako final-hamaseirenetan
Kanporaketak, partida bakarrean, abenduaren 16an, 17an edo 18an jokatuko dituzte.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Aymeric Laportek gihar lesioa du, eta partida batzuk emango ditu jokatu ezinik
Athleticeko atzelariak, larunbatean, talde zuri-gorriak Atletico Madrilen aurka jokatu zuen partidan, berdegunea utzi behar izan zuen. Aitor Paredes zigortuta dagoela, Ernesto Valverdek soilik erdiko atzelari bat du Paris Saint-Germainen aurkako neurketarako.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.