Athleticeko Nerea Nevado eta Eibarreko Elba Verges, Hilabeteko Jokalaria sariaren hautagaien zerrendan
Nerea Nevado Athleticeko ezker albokoa eta Elba Verges Eibarreko erdiko atzelaria F Ligako Hilabeteko Jokalaria sariaren hautagaien zerrendan sartu dituzte, irailean. Hain zuzen ere, Bizkaiko taldearen jokalari santurtziarra, talde armaginaren futbolari kataluniarra eta beste bost jokalari daude zerrenda horretan; F Liga 2024-25 denboraldian hasi da golardo hori ematen, hilabetero.
Testuinguru horretan, hona hemen zein jokalari dauden izendatuta, irailean, Hilabeteko Jokalaria saria eskuratzeko: Nerea Nevado (Athletic), Elba Verges (Eibar), Rasheedat Ajibade (Atletico Madril), Caroline Weir (Real Madril), Ewa Pajor (Bartzelona), Karen Araya (Madril) eta Maria Llompart (Levante Badalona).
Zaleek aukeratu ahalko dute irabazlea, irailaren 25etik, esteka honetan. EA Sports bideojokoen enpresak babestuko du saria; EA Sports da, izan ere, gizonezkoen Lehen Mailako Liga babesten duen enpresa.
Lehenengo Hilabeteko Jokalaria saria nork irabazi duen urriaren 7an emango dute jakitera.
EA Sports Ligan, Iñaki Williams, Carlos Vicente eta Ernesto Valverde izendatu dituzte
Bitartean, EA Sports Ligan, irailean, Iñaki Williams (Athletic) eta Carlos Vicente (Alaves) sartu dituzte hautagaien zerrendan, bai eta Athleticen Ernesto Valverde ere, azken hori entrenatzaileentzako sarirako sailkatua. Gizonezkoen Ligan, denboraldi batzuk daramatzate golardoa ematen.
Zure interesekoa izan daiteke
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Asier Villalibre: "Beste Asier bat sentitzen naiz"
Asier Villalibre Racingeko jokalaria Racing taldean jokatzen ari da aurten, Athleticen eta Alavesen aritu ostean. Oso gustura dagoela azpimarratu du, betiko Asier sentitzen dela berresteaz gain.
Euskal taldeen norgehiagoken ordutegiak Kopako final-hamaseirenetan
Eibarrek eta Realak abenduaren 16an, asteartean, jokatuko dute, Alavesek eta Osasunak 17an, asteazkenean, eta Athleticek 18an, ostegunean.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Alaves-Sevilla, Eibar-Elx, Huesca-Osasuna, Eldense-Reala eta Ourense-Athletic, Kopako final-hamaseirenetan
Kanporaketak, partida bakarrean, abenduaren 16an, 17an edo 18an jokatuko dituzte.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Aymeric Laportek gihar lesioa du, eta partida batzuk emango ditu jokatu ezinik
Athleticeko atzelariak, larunbatean, talde zuri-gorriak Atletico Madrilen aurka jokatu zuen partidan, berdegunea utzi behar izan zuen. Aitor Paredes zigortuta dagoela, Ernesto Valverdek soilik erdiko atzelari bat du Paris Saint-Germainen aurkako neurketarako.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.