Amorebietak Alcorconen etxean berdindu du, azken ordu erdia jokalari bat gutxiagorekin jokatuta (1-1)
Alcorconek eta Amorebietak bana egin dute Santo Domingon jokatutako partidan. Bi taldeak sailkapeneko beheko postuetan daude, eta mailari eustea dute helburu nagusi. Bizkaitarrak estu eta larri aritu dira azken 30 minutuetan emaitzari eusteko, jokalari bat gutxiagorekin aritu baitira epaileak Unai Bustinza kaleratu duenetik.
Alcorconen azken orduetan egindako euriak etenaldi bat izan du partida hasteko orduan, jokalarien zein zaleen zorionerako. Hotzak, baina, ez du etenik izan, eta zaleak neguko arropa kendu barik egon dira harmailetan.
Neurketa hasi eta berehala, madrildarrek lehen gola egin dute, 3. minutuan, Jacobo Gonzalezek egindako falta jaurtiketa batean. Baloia Jon Mikel Magunagoitiaren atearen ezkerreko aldetik sartu da.
Poztasunak gutxi iraun die Alcorconeko jokalari eta zaleei, Eneko Jauregik banakoa egin duelako 17. minutuan, Iago Lopezen hutsa aprobetxatuta. Lopezek bakar-bakarrik utzi du Jauregi, eta honek Erik Moranen erdiraketa errematatu du, bizkaitarren gola egiteko.
Aurretik, Josep Mierrek ere aukera izan du erremate gurutzatu batean, baina Jesus Ruizek baloia kornerrera urruntzea lortu du. Ruiz Alcorconeko jokalari onenetarikoa izan da, baloi luzeetan adi aritu da eta hankekin ere ez du hutsik egin.
Bigarren zatian, Amorebieta jokalari bat gutxiagorekin geratu da 60. minutuan, epaileak Unai Bustinzari bigarren txartel horia atera dionean. Ondorioz, defentsa bat galduta, urdinek euren egitura taktikoa egokitu behar izan dute.
Egoeraz baliatuta, Alcorconek partidaren agintea hartu du, hegaletatik jokaldi azkarrak eginez. Jandroren taldea, hala ere, ondo kokatu da zelaian, eta defentsan jardun dute buru-belarri, erasoari uko eginda.
Azken minutuetan, etxeko taldea jo eta ke aritu da erasoan, eta bigarren gola sartzear izan dira Artolak egindako burukada batean, baina Magunagoitiak baloia aldaratu du.
Berdinketa ez da inoren gustukoa izan: Amorebietak jaitsiera postuetan jarraitzen du, 31 punturekin, eta Alcorcon, 34rekin, postu horietatik kanpo dago, baina arriskuan.
Fitxa teknikoa:
1 - Alcorcon: Jesus Ruiz; Iago López (Artola, 87. min), Rivas, Chema (Castro, 46. min), Morillas; Victor Garcia, Javi Perez, Mosquera (Juanma, 81. min), Addai (Fede Vico, 61. min); Jacobo eta Chiki (Obieta, 61. min).
1 - Amorebieta: Magunagoitia; Bustinza, Etxeita, Josep Gaya; Alvaro Nuñez, Erik Moran (Yriarte, 68. min), Sibo, Jorge Mier; Dorrio (Carbonell, 86. min), Morcillo (Edwards, 77. min); eta Jauregi (Unzueta, 86. min).
Goles: 1-0, 3. min: Jacobo; 1-1, 17. min: Jauregi.
Epailea: Miguel Sesma Espinosa (Errioxako Batzordekoa). Txartel horia atera die Alcorconeko Rivas (6. min) eta Jacobo (80. min) jokalariei eta Amorebietako Gayari (27. min). Horrez gain, Jandro Amorebietako entrenatzaileari ere atera dio txartel horia (53. min), eta Unai Bustinza jokalaria kaleratu du, bi txartel hori aterata (4. eta 60. min).
Zure interesekoa izan daiteke
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.