Euskal Selekzioa vs Uruguai partidako datuak eta estatistikak
Euskal Selekzioak eta Uruguaik bana berdindu zuten martxoaren 23an San Mamesen jokatutako partidan. Zaleek ikuskizun bikainaz gozatzeko aukera izan zuten, eta norgehiagokak hainbat datu deigarri utzi zituen.
Selekzio bakoitzak gol bat sartu zuen. Baloi jabetzari dagokionez, Uruguai izan zen nagusi (% 53,2), baina Euskal Selekzioak ez zion uko egin (% 46,8).
Bestalde, Euskal Selekzioak 9 jaurtiketa egin zituen, eta Uruguaik, berriz, 7. Jagoba Arrasatek zuzendutako taldearen 9 jaurtiketetako 5 atera joan ziren, eta 4 kanpora. Marcelo Bielsak zuzendutako selekzioaren 7 jaurtiketatik 3 joan ziren atera eta 4 kanpora.
Paseak aztertuta, Euskal Selekzioak 47 egin zituen, eta % 83,5 izan ziren zuzenak; Uruguaiko selekzioak, ordea, 56 pase eman zituen, eta % 83,3 izan ziren pase zuzenak.
Neurketan zehar, 25 falta egin ziren guztira: Euskal Selekzioak 12 eta Uruguaik 13. Halaber, Euskal Selekzioak 76 baloi berreskuratu zituen, eta Hego Amerikakoak, 78.
Alvaro Djaloren estatistikak
Alvaro Djalok debuta egin zuen Euskal Selekzioarekin, eta bere estreinaldian gola sartu eta 77 minutu jokatu zituen. Sporting Bragako jokalaria da denboraldi amaierara arte, baina 2024-2025 sasoitik aurrera Athleticen jokatuko du.
Djalok bi jaurtiketa egin zituen Uruguairen kontrako neurketan, eta bietako batekin aurkariaren atea zulatu zuen. Hiru driblin egin zituen, eta bitan aurkaria atzean uztea lortu. Guztira, 30 esprint egin zituen, eta gehienez ere orduko 34,2 kilometroko abiadura harrapatu zuen.
Julen Agirrezabalaren estatistikak
Julen Agirrezabala izan zen Euskal Selekzioko atezain titularra. Athleticekoak 45 minutu jokatu zituen; hau da, lehen zati osoa.
Agirrezabalak bi geldiketa egin zituen, eta bietan harrapatu zuen baloia. Lau ateko sake atera zituen, eta emandako paseen % 80,8 izan ziren zehatzak.
Ivan Martinen estatistikak
Ivan Martinek ere estreinakoz jokatu zuen Euskal Selekzioarekin. Hasierako hamaikakoan egon zen, eta 45 minutu jokatu zituen. Guztira, 6,62 kilometro egin zituen. Intentsitate handian 665 metro egin zituen, eta 29 pase eman; erasoan emandako 7 paseetatik 3 soilik izan ziren ustelak. Gainera, 4 baloi berreskuratu zituen.
Andoni Gorosabelen estatistikak:
Andoni Gorosabelek 76 minutu jokatu zituen Uruguairen aurka. Hasierako hamaikakoa osatu zuten jokalarietako bat izan zen. Guztira, 9,56 kilometroko distantzia egin zuen, batez beste 7,42 kilometro orduko abiadura erdietsita. Bi erdiraketa egin, eta bietako bat taldekide batek errematatzea lortu zuen. Bitik bi lehia irabazi zituen, eta zazpi baloi berreskuratu.
Jon Moncayola (Euskal Selekzioa) vs Rodrigo Bentancur (Uruguai) lehia
Jon Moncayola Euskal Selekzioko jokalariak eta Rdrigo Bentancur Uruguaikoaren arteko lehia esanguratsua izan zen.
Biak ala biak bigarren zatian zelairatu ziren. Moncayolak 45 minutu jokatu zituen; Bentancurrek, aldiz, 25. Euskal Selekzioko erdilariak 5,91 kilometroko distantzia egin zuen guztira, eta Uruguaikoak 3,61 kilometrokoa.
Moncayolak 16 esprint egin zituen; Bentacurrek, 15. Jokatu zituzten minutuetan Jon Moncayolak eta Rodrigo Bentancurrek 18 eta 29 pase eman zituzten hurrenez hurren. Euskal jokalariak eman zituen paseen ehuneko 83,6 taldekideengana heldu ziren; uruguaiarraren kasuan, ordea, ehuneko 93,1ean iritsi zitzaien baloia taldekideei. Moncayolak erasoko lau pase eman zituen, eta Bentancurrek 9.
Jon Pacheco (Euskal Selekzioa) vs Nicolas Marichal (Uruguai) lehia
Jon Pacheco Euskal Selekzioko jokalarien eta Nicolas Marichal Uruguaiko futbolariaren arteko lehia gogorra izan zen. Biek ala biek hasieratik amaieraraino jokatu zuten.
Pachecok 10,35 kilometroko distantzia egin zuen guztira; Marichalek, aldiz, 10,12 kilometrokoa. Euskal jokalariaren batez besteko abiadura 6,61 kilometro ordukoa izan zen, eta uruguaiarrarena 6,66 kilometro ordukoa.
Jon Pachecok emandako paseen ehuneko 83,6 onak izan ziren. Marichalek emandako paseen ehuneko 90,8 izan ziren onak.
Goitik 2 borroka irabazi zituen Pachecok, eta 3 Marichalek. Horrez gain, euskal futbolariak 7 baloi berreskuratu zituen. Nicolas Marichalek berreskuratutako baloiak 8 izan ziren.
Zure interesekoa izan daiteke
Valverde: "Bihar aurrerapauso bat emateko aukera paregabea dugu"
Athleticeko entrenatzailea EA Sports Ligako 28. jardunaldian Gironaren aurka jokatuko duten partidaz aritu da. Horren arabera, Gironari etxean irabaztea zaila izango da, baina proba hori gainditzea dute helburu.
Zuzenean: Jokin Aperribayren prentsaurrekoa Kopako finaleko sarreren inguruan aritzeko
Realeko presidentea Anoetako prentsa aretoan agertuko da 16:00etatik aurrera, Kopako finaleko sarrerei buruzko azalpenak emateko.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Iranek baztertu egin du Munduko Txapelketan parte hartzea, AEB eta Israelen eraso militarra dela eta
Iranek Belgika, Egipto eta Zeelanda Berriaren aurka jokatu behar zituen multzoen faseko hiru partidak Ameriketako Estatu Batuetan, horietako bi Los Angelesen eta beste bat Seattlen. Azaroan, Trumpek bermatu zuen jokalari eta teknikari irandarrek bisak izango zituztela AEBn sartzeko, baina ez haien zaleek.
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren datuek (izen-abizenak eta NANa) apirilaren 18an Cartuja estadiora sartzen den pertsonarenak izan beharko dute.
Matarazzo, Kopako finalaz: “Aukera paregabea da"
Realaren entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.