Realak eta Eibarrek lehen hiru puntuak lortu dituzte, eta Athleticek denboraldiko bigarren porrota jaso du
Bi garaipen eta porrot bat izan dituzte euskal taldeek asteburuan jokatutako F Ligako hirugarren jardunaldiko partidetan. Eibarrek eta Realak lehen garaipena lortu dute Granadaren eta Betisen aurka; Athleticek, berriz, galdu egin du Levante Las Planasen aurrean.
Eibar taldeak hiru puntuak ekarri zituen larunbatean Granadako Nuevo Los Carmenes futbol-zelaira egindako bisitatik. Carla Andresek egin zuen lehen gola, 17. minutuan. Ondoren, lehen zatia amaitu aurretik, Yerai Martinek zuzentzen duen taldeak markagailuko tartea handitzeko aukera izan zuen, baina ez zuen asmatu. Atsedenaren ostean, Eider Aranak egin zuen Gipuzkoako hamaikakoaren bigarrena. Norgehiagoka bukatzeko ordu erdi baino gehiago falta zela, Laura Requenak Granadaren gola egin zuen, eta tartea murriztu zuen horrela (1-2).
Jardunaldiko bigarren hitzordua igandean izan zen, Realak eta Betisek Zubietan jokatu zuten neurketarekin. Natalia Arroyo gidari dituen neskek denboraldiko lehen hiru puntuak poltsikoratu zituzten etxean. Donostiako taldearen lehen gola Nerea Eizagirre kapitainak egin zuen, 36. minutuan, Lorena Navarroren jaurtiketa aldaratu ostean baloia sarera bidalita. Handik gutxira, lehen 45 minutuak bukatu baino lehen, Elene Lete Realeko atezaina ezustean harrapatu zuen parabola jaurti zuen Julia Aguadok, eta andaluziarren lehen gola iritsi zen horrela (1-1). Bigarren zatian, Sanni Franssik erabaki zuen neurketa, 2-1ekoa eginez.
Athleticek, ordea, ez du hiru puntuak etxera ekartzeko aukerarik izan, Levante Las Planasen kontra 2-1 galdu baitzuen. Jessica Martinezek ireki zuen markagailua (1-0), korner batean buruz gola eginez. Naia Landaluze bizkaitarrak markagailua berdintzea lortu zuen (1-1), baina, bigarren zatian, Cristina Baudetek ez zuen barkatu, zuri-gorrien aurkako penaltia sare barrura bidalita (2-1).
SAILKAPENA
Armaginak zortzigarren daude F Ligako sailkapenean, eta Reala hamargarren dago, asteburu honetan lehen hiru puntuak irabazita; Athletic, ordea, azken-aurreko postuan dago, hamabosgarren, punturik gabe.
F Ligako lehen jardunaldiko partidak
Atsedenerako denborarik gabe, hiru euskal taldeek jokalarien grebagatik bertan behera geratutako lehen jardunaldiko partidak jokatuko dituzte asteazken honetan:
(18:00) Athletic - Granada CF
(19:00) Real Sociedad - Levante UD
(20:00) Eibar - Madril CFF
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.