Real Madril, Europako Superkopako txapeldun
Real Madril da 2022ko Europako Superkopako txapelduna, asteazken honetan (abuztuak 10) Helsinkin (Finlandia) jokatu den finalean Eintracht Frankfurt mendean hartuta, 2 eta 0.
2021-2022 Txapeldunen Ligako eta Europa Ligako txapeldunak, Real Madril eta Eintracht Frankfurt hurrenez hurren, Finlandian lehiatu dira 2022-2023 denboraldiko lehen titulua lortzeko helburuarekin. Lehen zatia parekatua izan da. Real Madril izan da baloiaren jabe eta Eintracht kontraerasora irteteko zain egon da. Neurketako lehen abagune argia Frankfurteko taldeak izan du; Kamada bakarrik geratu da Courtoisen aurrean eta Real Madrileko atezainak gola saihestu du, aurkariaren jaurtiketa gurutzatua desbideratuta. Bost minutu beranduago, ordea, Viniciusek area barrutik egin duen errematea atepetik atera du Tutak, gola eragotzita. Ondoren, bi taldeei kosta egin zaie gola sartzeko aukerak lortzea, baina lehen zatiko azken txanpan, Real Madril nagusitu da: Viniciusen beste erremate bati erantzun bikaina eman dio Trapp atezainak, baina ia jarraian, Alabak gola sartu du (1-0) Real Madrilentzat. Espainiako taldearen gola korner baten bidez etorri da; Kroosek atera, Benzemak buruz jo, baloia kanpora joan aurretik Casemirok berriz area barruan jarri du, eta Trappek ezin izan du Alabaren errematea gelditu.
Atsedenaldira iritsi aurretik, Madrilgo taldeak bigarren gola sartzeko abagunea izan du, konkretuki 41. minutuan; Benzemak, ordea, ez du aurkariaren ate aurrean asmatu.
Bigarren zatian, jaun eta jabe izan da Real Madril. Erasokor zelairatu da Eintracht, baina Real Madrilek ondo eutsi dio defentsako lan bikaina eginda. Pixkanaka, Madrilgo taldea arriskua aurkariaren ate ingurura eramaten hasi da. Neurketako 55. minutuan Trapp atezainak Viniciusen jaurtiketa gelditzea lortu du, baloiak Eintrachteko defentsa batengan jo ostean. Sei minutu beranduago Casemirok egin duen jaurtiketa kanpora joan da langan jota. Ekinean jarraitu du Real Madrilek eta saria jaso du 65. minutuan Benzemak sartu duen golarekin (2-0); Viniciusek atzean utzi ditu aurkariak, pasea eman dio frantziarrari, eta horrek ez du errukirik erakutsi.
Carlo Ancelottik zuzentzen duen taldearen bigarren golak erabakita utzi du finala. Eintracht Frankfurt ezinean ibili da, Real Madril nagusi izan da, baina Espainiako taldeari azken pasearekin asmatzea falta izan zaio beste golen bat lortu ahal izateko. Amaieran, Real Madril izan da garaile (2-0), eta Europako Superkopa bereganatu du.
Fitxa teknikoa:
2 - Real Madril: Courtois; Carvajal (Rüdiger, 85.min), Militao, Alaba, Mendy; Casemiro, Kroos (Tchouameni, 85. min), Modric (Rodrygo, 66. min); Fede Valverde (Camavinga, 76. min), Vinicius (Ceballos, 85. min) eta Benzema.
0 - Eintracht Frankfurt: Trapp; Toure (Lucas Alario, 70. min), Tuta, N'Dicka; Knauff, Rode (Gotze, 58. min), Sow, Kamada; Lenz, Lindström (Kolo Muani, 58. min); eta Borre.
Golak: 1-0, 37. min: Alaba. 2-0, 65. min: Benzema.
Epailea: Michael Oliver (Ingalaterra). Txartel horia atera Alario (92') Eintrachteko jokalariari.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.