FIFAk eta UEFAk lehiaketa guztietatik kanpo utzi dituzte Errusiako selekzioak eta taldeak
FIFAk eta UEFAk lehiaketa guztietatik kanpo utzi dituzte Errusiako selekzioak eta klubak, epemugarik zehaztu gabe.
Bi erakundeen zuzendaritza batzordeek bilera egin dute arratsaldean, eta neurri hori hartzea erabaki dute, Errusiak Ukrainaren aurka abiatu duen gerra dela eta.
"Futbola batuta dago, eta Ukrainako herritar guztiei gure erabateko elkartasuna adierazi nahi diegu. Espero dugu Ukrainako egoerak hobera egitea berehala, futbola herrien arteko batasunaren eta bakearen ikur izan dadin berriz ere", adierazi dute bi erakundeek ohar bateratu batean.
FIFAk eta UEFAk beren ebazpena publiko egin aurretik, Nazioarteko Batzorde Olinpikoak Errusiako eta Bielorrusiako kirolarien parte-hartzea ekiditeko neurriak hartzeko deia egin die munduko federazioei eta lehiaketen antolatzaileei.
Horrela, Errusiako selekzioak ez du Qatarko Munduko Futbol Txapelketa jokatuko, eta Moskuko Spartak taldea Europa Ligatik kanpo geratu da. Hilaren 10ean eta 17an jokatu behar zuen lehiaketako final-zortzirenak Leipzig Alemaniako taldearen aurka.
Egunotan, hainbat federaziok adierazi dute Errusiaren aurka lehiatzeari uko egingo diotela txapelketa eta maila guztietan; besteak beste, Ingalaterra, Albania, Txekia, Danimarka, Irlanda, Polonia, Norvegia, Eskozia, Suitza, Suedia, Frantzia eta Galesko federazioak daude horien artean.
Zure interesekoa izan daiteke
Aston Villak Friburgo hartu du mendean (0-3), eta Emeryk bere bosgarren Europa Liga irabazi du
Hondarribiako entrenatzaileak talde ingelesa garaipena lortzera eraman du Istanbulen jokatu den finalean. Aston Villa nagusi izan da norgehiagokan, eta finala aise irabazi du.
Adela Ricok kontratua berritu du Eibarrekin 2027ra arte
Extremadurako erdilaria joan den udan iritsi zen talde armaginera, Cacereñorekin F Ligara igotzeko zorian izan ondoren.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek beraien laguntza erakutsi ahalko diote talde nafarrari, Coliseum estadioan jokatuko den partidaren bezperan; bertan, talde gorritxoak EA Sports Ligari eustea baieztatzea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.
Iraolaren Bournemouthek Cityrekin berdindu du, eta Artetaren Arsenal txapeldun egin du
Horrela, Londresko taldeak Premier Liga irabazi du, 22 urte eta gero. Arsenalek hamalaugarren liga bereganatu du.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Osasunak Espanyolen aurka galdu du Sadarren (1-2), eta azken jardunaldian bermatu beharko du mailari eustea
Romerok, lehen zatian, aurretik jarri du Espanyol, Victor Muñozek berdinketa egin du atsedenaldiaren ostean, eta Kike Garciak, 53. minutuan, partidan erabakigarria izan den gola sartu du. Emaitza horrek dakar Osasunak 42 puntu dituela jarraitzen duela, alegia, hamazortzigarren postuan dabilen Gironak baino bi gehiago, eta hemeretzigarren tokian dagoen Mallorcak baino hiru gehiago.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.