2022ko Qatarko Munduko Txapelketako sailkapen multzoen osaera
Astelehen honetan, 2022ko Qatarko Munduko Txapelketan izateko sailkapen faseko Europako guneko hamar multzoak zozkatu dira Zurichen (Suitza), eta honako era honetan geratu dira osatuta multzoak:
- A multzoa: Portugal, Serbia, Irlandako Errepublika, Luxenburgo, Azerbaijan.
- B multzoa: Espainia, Suedia, Grezia, Georgia, Kosovo.
- C multzoa: Italia, Suitza, Ipar Irlanda, Bulgaria, Lituania.
- D multzoa: Frantzia, Ukraina, Finlandia, Bosnia-Herzegovina, Kazakhstan.
- E multzoa: Belgika, Gales, Txekiar Errepublika, Bielorrusia, Estonia.
- F multzoa: Danimarka, Austria, Eskozia, Israel, Feroe Uharteak, Moldavia.
- G multzoa: Herbehereak, Turkia, Norvegia, Montenegro, Letonia, Gibraltar.
- H multzoa: Kroazia, Eslovakia, Errusia, Eslovenia, Zipre, Malta.
- I multzoa: Ingalaterra, Polonia, Hungaria, Albania, Andorra, San Marino
- J multzoa: Alemania, Errumania, Islandia, Ipar Mazedonia, Armenia, Liechtenstein.
Multzoen faseko partidak 2021eko martxoaren 24tik azaroaren 16ra jokatuko dira:
- 1. jardunaldia: 2021eko martxoaren 24an eta 25ean.
- 2. jardunaldia: 2021eko martxoaren 27an eta 28an.
- 3. jardunaldia: 2021eko martxoaren 30ean eta 31n.
- 4. jardunaldia: 2021eko irailaren 1ean eta 2an.
- 5. jardunaldia: 2021eko irailaren 4an eta 5ean.
- 6. jardunaldia: 2021eko irailaren 7an eta 8an.
- 7. jardunaldia: 2021eko urriaren 8an eta 9an.
- 8. jardunaldia: 2021eko urriaren 11n eta 12an.
- 9. jardunaldia: 2021eko azaroaren 11tik 13ra.
- 10. jardunaldia: 2021eko azaroaren 14tik 16ra.
- Play-offak: 2022ko martxoaren 24, 25, 28 eta 29an.
Multzo bakoitzeko selekzioek elkarren aurka jokatuko dute 'joan-etorriko' formatuan, eta lehen postuan amaitzen dutenak zuzenean sailkatuko dira Qatarko Munduko Txapelketan parte hartzeko.
Aitzitik, multzo bakoitzeko bigarrenek bigarren aukerako kanporaketetan jardun beharko dute. Kanporaketa horietan, 2020-2021eko UEFAko Nazioen Ligatik etorritako beste bi selekziok ere parte hartuko dute. Selekzio horiek Nazioen Ligako sailkapen orokorrean ondoen kokatuta daudenak izango dira, baldin eta dagoeneko 2022ko Munduko Kopara zuzenean sailkatuta ez badaude edota kanporaketetan sailkapen-faseko multzoetako bigarren talde gisa parte hartuko ez badute.
Hamabi selekzioak hiru multzotan banatuko dira, eta partida bakarreko kanporaketak jokatuko dituzte 2022ko martxoan, Munduko Txapelketara sailkatuko diren Europako azken hiru nazioak zehazteko.
Zure interesekoa izan daiteke
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.