Norvegiak penaltietan lortu du final-laurdenetarako sailkapena
Penaltiek zehaztu dute 2019ko Munduko Kopako final-laurdenak jokatuko dituen hirugarren sailkatua: Norvegia. Australiaren aurkako kanporaketa,banakako markagailuarekin amaitu zen eta penaltietan erabaki zen norvegiarren garaipena. Norvegiak Ingalaterra eta Kameruren arteko norgehiagokaren garailearekin jokatuko du final-laurdenetan.
Norvegiak hasiera-hasieratik ekin zion erasoari; Caroline Graham Hansen aurrelaria izan zen arrisku gehien egin zuen jokalaria.
Eskandinaviar penintsulako selekzioak partidako lehen gola lortu zuen, 31. minutuan. Isabell Herlovsenek aurre egin zion Lydia Williams atezainari eta gola sartu zuen (1-0). Norvegiak partida kontrolpean zuela zirudien.
Hala ere, VAR-ak berrikusitako jokaldi batean, epaileak Australiaren aldeko penaltia adierazi zuen. Baina penaltia huts egin eta australiarrek ezin izan zuten berdinketa lortu.
Partida amaitzear zegoela, banakakoa heldu zen. Kellond-Knightek australiarren aldeko ertzeko sakea aprobetxatu eta berdinketa lortu zuen (1-1). Horrenbestez, luzapenera joan zen partida.
Hogeita hamar minutu gehigarrietan, epaileak Alanna Kennedy australiarrari txartel gorria erakutsi zion eta, beraz, Ozeaniako selekzioak hamar jokalariekin amaitu zuen partida. Luzapenean zehar ez zen markagailuko banakakoa hautsi eta penaltietan erabaki zen final-zortzirenetako garailea. Bertan, nagusitasunez irabazi zuten europarrek (4-1).
Norvegia final-laurdenetarako sailkatu da eta, bertan, Ingalaterra eta Kamerunen arteko partidako garailearekin jokatuko du.
Fitxa teknikoa
1 (4) - Norvegia: Ingrid Hjelmseth, Ingrid Moe Wold (Synne Skinnes Hansen, 102. min), Maren Mjelde, Maria Thorisdottir, Kristine Minde, Karina Saevik (Frida Maanum, 71. min), Vilde Boe Risa, Ingrid Syrstad Engen, Guro Reiten, Caroline Graham Hansen eta Isabell Herlovsen (Lisa-Marie Utland, 76. min).
1 (1) - Australia: Lydia Williams, Ellie Carpenter (Amy Harrison, 120. min), Alanna Kennedy, Steph Catley, Kellond-Knight (Clare Polkinghorne, 94. min), Logarzo, Emily Van Egmond (Roestbakken, 116. min), Tameka Yallop, Hayley Raso (Emily Gielnik, 42. min), Caitlin Foord eta Sam Kerr.
Golak: 1-0, 32. min: Isabell Herlovsen; 1-1, 82. min: Elise Kellond-Knight.
Epailea: Riem Hussein (DEU).
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Iranek baztertu egin du Munduko Txapelketan parte hartzea, AEB eta Israelen eraso militarra dela eta
Iranek Belgika, Egipto eta Zeelanda Berriaren aurka jokatu behar zituen multzoen faseko hiru partidak Ameriketako Estatu Batuetan, horietako bi Los Angelesen eta beste bat Seattlen. Azaroan, Trumpek bermatu zuen jokalari eta teknikari irandarrek bisak izango zituztela AEBn sartzeko, baina ez haien zaleek.
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren datuek (izen-abizenak eta NANa) apirilaren 18an Cartuja estadiora sartzen den pertsonarenak izan beharko dute.
Matarazzo, Kopako finalaz: “Aukera paregabea da"
Realaren entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.