Athleticek eta Eibarrek derbia irabazi eta gora begiratzen hasi nahi dute
Athleticen eta Eibarren arteko derbia irabazten duen taldeak Europako postuetara begiratzeko aukera izango du, eta horrek saltsa eta piperra emango dio larunbatean bi taldeek San Mamesen jokatuko duen euskal derbiari.
Bi taldeak saikapeneko erdiko postuetan dira, eta jaitsierako arriskua behin betiko aldendu nahi dute.
Athleticek Txapeldunen Ligako erritmoa darama Gaizka Garitano entrenatzailearen eserlekuan dagoenetik. Jokoan izan diren azken 30 puntuetatik bilbotarrek 19 irabazi dituzte, eta porrot bakarra jaso dute, Realaren aurka Anoetan jokatutako euskal derbian.
Beste bost partida irabazi dituzte, azkena iragan asteburuan Huescaren aurka, eta beste laurak berdindu.
Ramis, baja Eibarren
Eibarri dagokionez, Mendilibarrek Ramis bajan dauka eta ikusteke dago Pedro Leon jokatzen jarriko duen ala ez. Aurreko astean ez zuen egin, jokalaria deialdian sartu arren, maiatzetik lehen aldiz.
Horretaz aparte, ez da beste aldaketarik espero, eta taldeak ohiko sistema erabiliko du, aurrean bi jokalari jarrita. Athleticek zelai erditik gora egitea saihesten saiatuko dira.
Eibarretik zazpi autobus joango dira Bilbora, zaleez lepo, euskal derbia bertatik bertara ikusteko.
Ustezko hamaikakoak
Athletic: Herrerín; Capa, Yeray, Iñigo Martínez, Yuri; Dani García, Beñat; De Marcos, Raúl García, Muniain; eta Williams.
Eibar: Riesgo; Rubén Peña, Arbilla, Oliveira; Cote; Orellana, Jordán, Diop; Cucurella; Enrich eta Charles.
Epailea: Mario Melero López (Andaluziako batzordekoa).
VAReko epailea: Juan Martínez Munuera (Valentziako batzordekoa).
Zelaia: San Mames.
Ordua: 20.45ean
Zure interesekoa izan daiteke
Matetaren gol batek Iñigo Perezen Rayoren ametsa zapuztu du, eta Crystal Palace txapeldun egin du
Aurrelari frantziarrak Augusto Batallak arean aldaratutako baloi bat aprobetxatu du final parekatua erabakitzeko, eta bere historian inoiz baino urrunago iritsi den Rayoren ametsa zapuzteko.
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.