Amaiera polemikoa eta garailerik ez Athleticen eta Alavesen arteko finalean
Athleticek eta Alavesek bina egin dute Euskal Herriko Koparen finalean. Bi taldeak onenak izan dira Liga txapelketan jokatutako euskal derbien sailkapenean. Baina finala irabazlerik gabe amaitu da, epaileak eta bere laguntzaileek zelaia 90. minutuan utzi dutelako, ustez, Oscar Romerori txartel gorria atera eta ondoren izandako iskanbilagatik.
Romeroren bigarren txartel gorria izan da; aurretik, epaileak beste txartel gorri bat atera dio Alaveseko jokalari bati, Alexisi hain zuzen. Zelaitik atera aurretik, jokalariak aurpegitik heldu dio epaileari.
Neurketaren amaieran, eta bigarren txartel gorria atera ondoren, epailea eta bere laguntzaileak zelaitik atera dira. Antza, horretarako arrazoia jokalariek erakutsitako jarrera eta kiroltasun eza izan da.
Kirol arloari dagokionez, Athleticek itxura hobea eman du, bi taldeen artean alde handirik izan ez den arren. Bilbotarrek ostegunean Europa Ligako partida dute Panathinaikosen aurka eta arabarrak baino sasoi puntu bat gehiago dutela nabaritu zaie.
70. minututik aurrera, zuri-gorriak jokalari bat gehiagorekin aritu dira, Alexisek txartel gorria ikusi ostean. Orduan ?Kuko? Zigandaren taldeak garaipena eskura izan du. 2 eta 1 irabazten joan dira Mikel Vesgak lehen zatian eta Aritz Adurizek bigarrenean egindako golei esker.
Baina izandako aukerak ez dituzte aprobetxatu, eta Zubeldiaren taldeak bigarren penalti bat izan du alde (lehenengoa Ibai Gomezek sartu du), eta finala orekatzea lortu dute, Christian Santosek bigarren penalti jaurtiketa hori asmatu ostean.
Fitxa teknikoa
2 - Athletic: Kepa (Iago Herrerín, 46. min); Lekue (Sabin Merino, 72. min), Bóveda, Laporte (Etxeita, 46. min), Saborit; San José, Vesga (Mikel Rico, 46. min); Susaeta (De Marcos, 46. min), Raúl García (Muniain, 46. min), Córdoba; eta Williams (Aduriz, 46. min).
2 - Alaves: Fernando Pacheco; Vigaray, Alexis, Rodrigo Ely (Maripán, 46. min), Héctor (Pedraza, 60. min); Burgui (Romero, 74. min), Wakaso (Dani Torres, 60. min), Manu (Pina, 60. min), Ibai Gómez; Rubén Sobrino (Adrián Diéguez, 73. min) eta Christian Santos.
Golak: 1-0, 42. min: Vesga. 1-1, Ibai Gómez, penaltiz. 2-1, 56. min: Aduriz. 2-2, 86. min: Cristian Santos, penaltiz.
Epailea: Palencia Caballero (gipuzkoarra). Epaileak eta bere laguntzaileek zelaia utzi dute 90. minutuan jokalarien arteko iskanbila baten ondorioz, eta, ustez, haietariko batzuek erakutsitako jokabide kaskarragatik.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realeko bazkideek jasoko dituzte. Realeko “fan zone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.