Eibar garaile, Elustondoren kaleratzeak baldintzatutako derbian (2-0)
Eibarrek garaipena lortu du Ligako bosgarren jardunaldian Realaren aurka Ipuruan jokatutako derbian (2-0). Neurketako lehen ordu erdia betetzear zela, epaileak Aritz Elustondo kalera bidali du txartel gorria aterata.
23. minutuan, Sanchez Martinezek penaltia adierazi du Elustondok baloia eskuarekin ukitu duelako area barruan. Pedro Leonek jaurti du zigorra, eta baloia gora joan zaio.
Penaltia huts egin duten arren, armaginek norgehiagokaren kontrola hartu dute, Reala jokalari bat gutxiagorekin zegoela aprobetxatuta. Pedro Leonen eta Beberen jokaldiek min handia egin dute donostiarren defentsan.
Eraso horietariko batean, Escalantek egindako pasea Illarramendiren gorputzean jo du eta baloia Rulliren atean sartu da.
Bebek, lasaitasunaren gola
Eibarrek hainbat aukera izan ditu lehen golaren ostean, eta jaun eta jabe izan dira zelaian. Bebek bigarrena egin du, aldaratze bat aprobetxatu eta urruneko jaurtiketa bat eginez.
Azkenean, 2-0 eta hiru puntuak etxean geratu dira.
Fitxa teknika
2 Eibar: Riesgo; Capa, Gálvez, Lejeune, Antonio Luna; Pedro León, Dani García, Escalante (Fran Rico, 84. min), Bebé (Rubén Peña, 78. min); Kike García (Nano, 62. min)eta Sergi Enrich.
0 Reala: Rulli; Aritz Elustondo, Iñigo Martínez, Raúl Navas, Héctor Hernández; Illarramendi; Markel Bergara, Zurutuza (Zaldua, 46. min); Carlos Vela (Mikel Oyarzabal, 66. min), Willian José (Xabi Prieto, 61. min), eta Juanmi.
Golak: 1-0. 56. min. Escalante; 2-0. 65. min. Bebé.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.