Derbi historikoa Ipuruan, Eibar-Athletic
Eibarrek eta Athleticek euskal derbia jokatuko dute gaur Ipuruan, 17:00etatik aurrera. Estreinakoz neurtuko dituzte indarrak armaginen futbol-zelaian, lehen mailako partidan.
Bi taldeen ibilbidea erabat ezberdina da. Sailkapen nagusian puntu kopuru berdina duten arren, gipuzkoarren jokoak behera egin du, eta zuri-gorriek suspertzea lortu dute.
Etxeko taldean, Abraham Minero eta Rafa Paez baja izango dira. Piovaccari eta Saul Berjon, ordea, jokatzeko prest daude. Italiarrak ezin izan zuen Vila-realen aurkakoa jokatu zigortuta zegoelako eta Berjon, min hartuta.
Athleticek hiru puntuak erdietsi nahi ditu, eta horrela konfiantza berreskuratu. Valvederen taldea Europa Ligatik at geratu zen ostegunean, Torinok kanporatuta. Halere zuri-gorriek atsedenik ez dute, asteazkenean Kopako finalerako txartela izango baitute jokoan Espanyolen aurka.
Carlos Gurpeguik min hartu zuen osteguneko norgehiagokan, eta baja izango da seguru asko. Valverdek ohikoei atsedena emango ote dien da zalantza nagusia. Yeray eta Guillermo deialdian sartu ditu entrenatzaile zuri-gorriak.
Ustezko hamaikakoak:
Eibar: Xabi Iruretagoiena; Boveda, Añibarro edo Ekiza, Raul Navas, Lillo; Errasti, Dani Garcia; Capa edo Manu Garcia, Arruabarrena, Saul Berjon; eta Piovaccari.
Athletic Club: Iraizoz; Iraola, Etxeita, Laporte, Balenziaga; San Jose, Rico; Susaeta, Beñat, Muniain; eta Aduriz.
Epailea: Fernando Teixeira Vitienes
Futbol-zelaia: Ipurua.
Ordua: 17:00etan
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Talde turkiarrak ezustean harrapatu du Liverpool (1-0) bere kanporaketaren hasieran, alemaniarrek Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realeko bazkideek jasoko dituzte. Realeko “fan zone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.