Eibar sendo mantentzen da igoera postuetan Deportivori irabazi ostean
Eibarrek ezustekoa eman du Adelante Ligako liderra den Deportivori 2-1 irabazi ostean. Arruabarrena izan da Ipuruan jokatu den partidako izarra, berak sartu baititu talde armaginaren bi golak.
Partida oso parekatua eta lehiatua izan da. Bi taldeek golak sartzeko abaguneak izan dituzte lehen minutuetan, baina Eibar izan da lehen gola sartu duen taldea. Arruabarrenak egin du 1-0ekoa, 37. minutuan. Horrenbestez, lehen zatia Eibarren aldeko 1-0eko emaitzarekin amaitu da.
Bigarren zatiaren hasieran Deportivo izan da nagusi, eta armaginek asko sufritu dute. Deporrek, ordea, ez du aurkariaren ate aurrean asmatu eta minutuak pasa ahala Eibar hobeto jokatzen hasi da. Partida irekita egon da, baina 78. minutuan Arruabarrenak bigarren gola sartu du (2-0).
Gola hartu ostean, Deportivo saiatu da aldeak murrizten, baina ez du 90. minutura arte lortu. Luisek 2-1ekoa sartu du galiziarrentzat, baina jada beranduegi izan da, eta Eibarrek merezitako garaipena lortu du (2-1).
Fitxa teknikoa:
2 SD Eibar: Xabi; Boveda, Arregi, Raúl Navas, Kijera; Diego Rivas (Diego Jimenez, 72. min), Dani Garcia; Jota Peleteiro, Arruabarrena, Morales (Errasti, 58. min); eta Gilvan Gomes (Capa, 81. min).
1 RC Deportivo: Lux; Laure, Marchena, Kaka, Manuel Pablo (Luis Fernandez, 72. min); Alex B.; Seoane (Nuñez, 77. min), Juan Dominguez, Culio (Rudy, 77. min), Luisinho; eta Borja.
Golak: 1-0. 37. min. Arruabarrena; 2-0. 78. min. Arruabarrena; 2-1. 90. min. Luis.
Epailea: Jose Maria Sanchez Martinez.
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realeko bazkideek jasoko dituzte. Realeko “fan zone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.