Alavesek Bigarren Mailara igotzea lortu du
Deportivo Alavesek Bigarren Mailara igotzea lortu du Mendizorrotzan Real Jaeni 1-0 irabazita, eta joaneko partidan bana (1-1) berdinduta. Adelante Ligara igotzea lortu du Arabako taldeak.
Partida parekatua izan da. Lehen zatian Alaves izan da baloiaren jabe, baina ez da abagune argirik egon. Horrenbestez, golik gabe (0-0) amaitu da lehen zatia.
Bigarren zatian Alavesek izan du partidaren giltza, eta Arabako taldeak sortu ditu abagune argienak. Gola, ordea, ez zen iristen. Jaenek ere izan du gola sartzeko abaguneren bat, baina Alaveseko atezaina oso ondo ibili da. Norgehiagokako 76. minutuan iritsi da gola. Epaileak Alavesen aldeko penaltia adierazi du, eta Viguerak hamaika metroetatik, ez du kale egin. 1-0ekoa sartu du Alaveseko aurrelariak.
Azken minutuetan, sendo eutsi dio Alavesek 1-0eko emaitzari, eta garaipena lortu du. Garaipenarekin batera Adelante Ligara igotzea lortu du Gasteizeko taldeak.
Fitxa teknikoa:
1 - Alaves: Ivan Crespo; Oscar Rubio, Luciano, Javi Hernandez (Agustin, 62. min), Manu Garcia; Jaume, Beobide; Guzman, Viguera, Luismi (Sendoa, 72. min); eta Juanma (Jonan, 84. min).
0 - Real Jaen: Toni Garcia; Gaitan, Dani Torres, Servando (Elady, 79. kin), Nando; Quesada; Israel Jerez, Juanma, Machado, Martos (Santi Villa, 65. min); eta Cascon (Migue Montes, 56. min).
Gola: 1-0, 76. min; Viguera, penaltiz.
Epailea: Herrero.
Zure interesekoa izan daiteke
Realak krisian jarraitzen du eta Teneriferekin berdindu du (1-1)
Realak garaipenik lortu gabe jarraitzen du denboraldi honetan, F Moeve Ligako 3. jardunaldian Teneriferen aurka bana berdindu ondoren. Ainoa Campok aurretik jarri ditu txuri-urdinak, baina Eva Vergesek markagailua berdindu du azken minutuetan.
Guallarrek garaipena eman dio Alavesi Granadaren aurka (1-0)
Ainhoa Guallarrek lehen zatiko denbora erantsian sartutako golari esker Alaves Gloriosasek Granada mendean hartu du igande honetan eta denboraldiko bigarren garaipena lortu du Mendizorrotzan.
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.