Zuazo, nagusi Beti-Onaken aurkako play-downeko lehen jardunaldiko euskal derbian (23-18)
Zubileta Evolution Zuazok irabazi du Beti-Onak Azparren Gestionen aurkako Guerreras Iberdrola Ligako play-downeko lehen jardunaldiko euskal derbia 23-18ko emaitzarekin, larunbat honetan, apirilaren 29an, Lasesarren (Barakaldo).
Play-dowak ligaxka formatua du, eta kontuan hartu da denboraldi erregularreko sailkapena talde bakoitzaren puntuak egokitzeko. Hala, horrelaxe ekin diote ligaxkari lehian ibiliko diren lau taldeek: Gurpea Beti-Onak Azparren Gestionek 9 puntu, KH-7 BM. Granollersek 8, Grafometal La Riojak 4 eta Zubileta Evolution Zuazok 3.
Zuazoren eta Beti-Onaken arteko euskal derbiaren hasieran Bizkaiko taldea izan da nagusi (3-0), baina azkar erantzun du Nafarroakoak eta lehia parekatu du (4-3 eta 5-4). Lehen zatiko azken txanpan hobeto jokatu du Zuazok; ondorioz, Barakaldoko taldea hiru goleko abantailarekin iritsi da atsedenaldira (8-5).
Bigarren zatiko lehen minutuetan Zuazok lehen zatian eskuratutako errenta handitu du (12-7). Beti-Onaki oso maldan gora jarri zaio norgehiagoka. Nafarroako taldea saiatu da desabantaila murrizten, baina ez du lortu (19-11). Azken txanpan, Beti-Onakek zuloa itxi du (21-17), baina Zuazo ez da urduri jarri, ondo kudeatu du lehiaren amaiera eta garaipena bereganatu du (23-18).
Orain, lehen jardunaldiko derbiaren ostean, Beti-Onakek 9 punturekin jarraitzen du sailkapenean eta Zuazok 5 puntu dauzka.
Zure interesekoa izan daiteke
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.