Zuazo Kopatik kanpo geratu da, Malagaren kontra aurpegia eman duen arren (26-25)
Zubileta Evolution Zuazok ezin izan du Erreginaren Kopako 2. fasea gainditu, larunbat honetan ere galdu egin baitu Malagaren aurka (26-25). Barakaldokoek 3 goleko aurkako errentarekin ekin diote neurketari, asteazkenean andaluziarrak nagusitu baitziren Lasesarre kiroldegian jokatutako joaneko neurketan (25-28).
Lehen zatiko hasierako 20 minutuetan ondo aritu da Joseba Rodriguezen taldea, eta markagailuan aurretik izatea ere lortu dute bizkaitarrek zenbait alditan (3-4, 5-6 eta 6-7), gainera, aldea handiagoa ere izan zitekeen, aukera nabarmenak huts egin baitituzte Virginia Fernandez etxeko atezainaren aurrean, besteak beste, hiru penalti jaurtiketa, baina batean zutoinak, eta bestean atezainak, ezerezean utzi ditu 7 metroetako jaurtiketak.
Ondoren, gol trukaketa izan da nagusi neurketan; alabaina, Malagak urrats bat aurrera eman du lehen zatiko azken 10 minutuetan, eta bost goleko errenta bereganatu du aitaren batean, Barakaldokoen hutsegite batzuk tarteko (14-9). Azkenerako, hiruko desabantailarekin joan dira aldageletara bizkaitarrak (14-11).
Bigarren zatian, agintzen jarraitu dute andaluziarrek denbora luzean, eta bost golera arte zabaldu dute berriro markagailuko zuloa Suso Gallardok entrenatzen dituen neskek (21-16 eta 22-17). Bizkaitarrek, baina, ez dute amore eman nahi izan, eta azken txanpan egindako ahalegina dela medio markagailua berdintzeko gai izan dira (23-23) kanporaketa amaitzeko bost minutu falta zirela. Ematen zuen balentria egitea ez zegoela horren urruti; haatik, etxekoek ez dute ezustekorik nahi izan, eta berehala erantzun dute, aldea berriro zabaldu eta bisitarien esperantzak desegiteko (25-23).
Horrenbestez, gogor borrokatu den arren, Zuazo ez da izango apirilaren 29tik maiatzaren batera Donostian jokatuko den Erreginaren Kopako azken fasean. Bertan parte hartuko duena, Super Amara Bera Bera izango da, txapelketa antolatuko duen etxeko talde gisa.
Partidako markagailua:
1. zatia: 0-1, 1-1, 2-1, 3-1, 3-2, 3-3, 3-4, 4-4, 5-4, 5-5, 5-6, 6-6, 6-7, 7-7, 8-7, 8-8, 9-8, 9-9, 10-9, 11-9, 12-9, 13-9, 14-9, 14-10, 14-11.
2. zatia: 14-12, 15-12, 16-12, 16-13, 16-14, 17-14, 17-15, 18-15, 19-15, 19-16, 20-16, 21-16, 21-17, 22-17, 22-18, 22-19, 23-19, 23-20, 23-21, 23-22, 23-23, 24-23, 25-23, 25-24, 26-24, 26-25.
Zure interesekoa izan daiteke
Beti-Onak EHF Europa Kopatik at geratu da
Nafarroako taldeak final-zortzirenetako itzulerako partida ere galdu du Bursa Buyuksehirren aurka (32-28).
Irudek Bidasoa Irunek Bartzelona izango du aurkari Espainiako Kopako finalerdietan
Beste finalerdia Logroño-Valladolid izango da. Txapelketa otsailaren 7an eta 8an jokatuko da Teldeko (Kanaria Handia) Rita Hernandez pabiloian. Asobal Ligako lehen itzuliko lehen lau sailkatuak lehiatuko dira.
Beti-Onakek kanporaketa irauli beharko du Turkian, Europako Kopan jarraitu nahi badu
Replasa Beti-Onakek 24-25 galdu du Turkiako Bursa Büyüksehir taldearen aurka etxean jokatu duen EHF European Cup txapelketako final-zortzirenetako joaneko partida. Horrenbestez, itzuliko norgehiagokan, markagailua irauli beharko du, kanporaketa gainditu eta hurrengo fasera pasatzeko.
Mariana Costa: "Gertatzen dena gertatzen dela, bi partidetan puntu positiboak lortzen saiatuko gara"
Replasa Beti-Onakek Bursa Büyüksehir Turkiako taldea hartuko du larunbat honetan, Europa Kopako final-zortzirenetako joaneko partidan; itzulikoa, berriz, astebete geroago jokatuko du. Mariana Costa jokalariak esan du bi partidak irabazten saiatuko direla.
Lyndie Tchaptchetek ez du Super Amara Bera Beran jarraituko 2026-27 denboraldian
Nazioarteko pibote nafarrak, Donostian arrakastaz betetako bi denboraldiren ostean, Txapeldunen Ligan helburu handiak dituen klub baten eskaintza onartu du.
Bidasoak galdu egin du Flensburgen, partida oso lehiatu baten ostean (38-35)
Bidasoa Irunek lehia gogorra izan du Alemaniara egindako bisitan, eta sentsazio positiboak utzi ditu emaitza positiboa izan ez den arren.
Irudek Bidasoa-Irunek final-zortzirenetarako txartela lortu du Potaissa Turda mendean hartuta (35-30)
Irungo taldeak landutako garaipena lortu du eta Europako Ligan jarraituko duela ziurtatu du matematikoki.
Bursa Büyüksehir izango da Replasa Beti-Onaken arerioa Europa Kopan
Hala egokitu da astearte honetan Vienan egindako zozketan. Joanekoa Atarrabian jokatuko dute, urtarrilaren 17an, eta itzulikoa, handik zazpi egunetara, Turkian.
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Miguel Etxeberria: ''Pizgarri diren partidak dira''
Beti-Onakek Yellow Winterthur izango du aurkari EHF Europa Kopako hirugarren kanporaketan. Honela ikusten dute partida Miguel Etxeberria entrenatzaileak eta Isi Fernandez-Agusti jokalariak.