Bera Berak aurrera egin du; Zuazo, berriz, kanpoan geratu da
Super Amara Bera Bera taldeak Barakaldon jokatzen ari den Erreginaren Kopako XL. ekitaldiko finalerdietan izango da, final-laurdenetan Rocasa Kanaria Handia azpiratu ostean (25-23).
Donostiarrek gaizki ekin diote lehiari, 0-5eko partziala jaso baitute hasierako minutuetan. Ez da izan, gainera, lehen zatian kontran izan duten alderik handiena, 17. minutuan sei golez galtzen izan baitira (4-10).
Alabaina, 21. minutuan, emaitza 7-10 zela, neurketan garrantzia izan duen jokaldia jazo da. Epaileek txartel gorri zuzena atera diote Haridian Rodriguezi, iritzi baitiote Kanariako jokalariak baloia nahita jaurti duela Bera Berako atezainaren buruaren kontra penalti jaurtiketa batean.
Jokaldi horrek hoztu egin du Rocasa eta Bera Berakoak apurka-apurka kanporaketan sartu dira. Hala, atsedenaldira iritsi denerako markagailua berdintzeko gai izan dira (12-12).
Bigarren zatiaren hastapenean, parekatuta joan da neurketa, eta gipuzkoarrek 36. minutura arte itxaron behar izan dute markagailuan lehen aldiz goitik jartzeko (15-14). Hortik aurrera, Imanol Alvarezen neskek partidako aginte-makila hartu dute, eta bi aldiz lortu dute lau goleko errenta (21-17, 45. min eta 22-18, 48. min). Dena dela, kanariarrek ez dute amore eman, eta lehia orekatzeko ahalmena izan dute (23-23) partida bukatzeko zazpi minuturen faltan.
Aitzitik, Bera Berak kopako lehiaketan agertu ohi duen lehiakortasuna plazaratu du beste behin, eta, azkenerako, bi golengatik gailendu dira. Finalerdietan Liberbank Gijon izango du aurrez aurre (18:30), asturiarrek Rincon Fertilidad Malaga kanporatu baitute (23-22).
Fitxa teknikoa:
25 - Super Amara Bera Bera (12+13): Castellanos (atezaina), Arrojeria (1), Sans (-), Teres (1), Menendez (-), Karsten (4), Gil (4) –hasierako taldea– Lais (ordezko atezaina), Aramendia (2), Ezkurdia (-), Arderius (7, 4 penaltiz), Etxeberria (-), Azurdmendi (-), Cardoso (6,1 penaltiz), Berasategi (-) eta Camejo (-). Entrenatzailea: Imanol Alvarez.
23 - Rocasa Gran Canaria (12+11): Navarro (atezaina, 1), Falcon (4), Lusson (4), Mbengue (5), Haridian Rodriguez (2, 1 penaltiz), Trojaola (3), Maria Gonzalez (1) –hasierako taldea– Dara Hernandez (ordezko atezaina), Pizzo (2), Reyes (-), Arinegua Perez (-), Toscano (1), Dos Santos (-), Schuster (-) eta Machin (-). Entrenatzailea: Carlos Herrera.
Emaitza bost minutuero: 0-2, 0-5, 3-8, 7-10, 9-11, 12-12 (atsedenaldia); 14-14, 17-15, 20-17, 23-20, 24-23 eta 25-23 (amaiera).
Zuazo, kanporatuta
Zubileta Evolution Zuazo talde bizkaitarrak ezin izan du Elx Mustang gainditu (21-24), eta, hartara, Joseba Rodriguzek entrenatzen dituen neskak ez dira sailkatu beren etxean jokatzen ari den Kopako txapelketako finalerdietan izateko.
Hala ere, bizkaitarrek eskura izan dute garaipena lortzea; izan ere, agintzen joan dira markagailuan neurketako unerik gehienetan, baina, azkenerako, amore eman behar izan dute 17 eta 16ko emaitzatik 21 eta 24ko emaitzara igaro ondoren.
Fitxa teknikoa:
21 - Zubileta Evolution Zuazo (11+10): Aalla (atezaina), Velasco (3), Valdivia (4), Loidi (3, 2 penaltiz), Encina (4), Bengoetxea (-), De Andres (2) -equipo inicial-, Muñiz (ordezko atezaina), Ainhoa Hernsndez (1), Alba Sanchez (4), Manrique (-), Gil (-), Erauskin (-), Blázquez (-), Perazic (-) eta Gonzalez de Garibay (-). Entrenatzailea: Joseba Rodriguez.
24 - Elche Mustang (11+13): Morales (atezaina), Zhukova (2), Flores (2), Gutierrez (6,2p), Ana Gonzalez (2), Martínez (6, 1 penaltiz), Arcos (-)–hasierako taldea–, Sanchez (ordezko atezaina), Mendez (1), Frujinoiu (-), Ocariz (-), Keyla Hernandez (-), Gasco (5), Angela Rodriguez (-) eta Guilabert (-). Entrenatzailea: Joaquin Rocamora.
Emaitza bost minutuero: 2-0, 5-1, 7-3, 9-5, 11-8, 11-11 (atsedenaldia); 13-13, 14-14, 17-17, 18-19, 19-21 eta 21-24 (amaiera).
FINAL-LAURDENETAKO EMAITZAK
Liberbank Gijon 23-22 Rincon Fertilidad Malaga
KH-7 Granollers 21-25 Aula Alimentos Valladolid
Super Amara Bera Bera 25-23 Rocasa Gran Canaria
Zubileta Evolution Zuazo 21-24 Elx Mustang
LARUNBATEKO FINALERDIAK
ElX Mustang - Aula Alimentos Valladolid (16:15)
Super Amara Bera Bera - Liberbank GijOn (18:30)
Zure interesekoa izan daiteke
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.