Bera Berak bere bosgarren Liga txapelketa irabazi du
Super Amara Bera Berak bere bosgarren Guerreras Iberdrola Liga eskuratu du Hotel Gran Bilbao-Prosetecnisa Zuazoren aurkako norgehiagoka (24-28) irabazi ostean. Txapelketa horiek guztiak azken sei urteren buruan lortu ditu.
Talde donostiarra Mecalia Atletico Guardesekin berdinduta heldu da azken jardunaldira, baina talde galiziarraren aurretik, euren arteko bi norgehiagoka zuzenetan garaipena lortu baitzuen.
Horrenbestez, Bera Berak nahikoa zuen bere neurketa irabaztearekin, beste emaitzaren zain egon gabe, eta hala gertatu da. Izan ere, Guardesek KH7 Granollersen aurka irabazitako lehiak (29-30) ez du sailkapenean eraginik izan, eta Jose Ignacio Pradesek zuzentzen dituen neskek ezin izan dute joan zen urtean lortutako Liga txapelketa errepikatu, Bera Beraren porrota behar baitzuten.
Partidari dagokionez, Bera Berak indartsu ekin dio lehiari eta hamazazpigarren minutuan zazpi goleko abantailarekin zegoen (5-12).
Bera Bera aurretik izan da markagailuan ia partida osoan. Argazkia: EFE
Hortik aurrera, Montse Pucherenek errenta kudeatzen jakin dute une oro, nahiz eta amaierara heltzeko bi minuturen faltan etxekoak bi golera hurbildu diren (23-25). Alabaina, donostiarrek jarraian sartutako hiru golek (23-28) ezustekorik gerta zedin eragotzi dute Puchek taldea zuzentzen zuen azken partidan.
Bera Beraren zaleak taldea aupatzen egon dira. Argazkia: EiTB
Zure interesekoa izan daiteke
Beti-Onak EHF Europa Kopatik at geratu da
Nafarroako taldeak final-zortzirenetako itzulerako partida ere galdu du Bursa Buyuksehirren aurka (32-28).
Irudek Bidasoa Irunek Bartzelona izango du aurkari Espainiako Kopako finalerdietan
Beste finalerdia Logroño-Valladolid izango da. Txapelketa otsailaren 7an eta 8an jokatuko da Teldeko (Kanaria Handia) Rita Hernandez pabiloian. Asobal Ligako lehen itzuliko lehen lau sailkatuak lehiatuko dira.
Beti-Onakek kanporaketa irauli beharko du Turkian, Europako Kopan jarraitu nahi badu
Replasa Beti-Onakek 24-25 galdu du Turkiako Bursa Büyüksehir taldearen aurka etxean jokatu duen EHF European Cup txapelketako final-zortzirenetako joaneko partida. Horrenbestez, itzuliko norgehiagokan, markagailua irauli beharko du, kanporaketa gainditu eta hurrengo fasera pasatzeko.
Mariana Costa: "Gertatzen dena gertatzen dela, bi partidetan puntu positiboak lortzen saiatuko gara"
Replasa Beti-Onakek Bursa Büyüksehir Turkiako taldea hartuko du larunbat honetan, Europa Kopako final-zortzirenetako joaneko partidan; itzulikoa, berriz, astebete geroago jokatuko du. Mariana Costa jokalariak esan du bi partidak irabazten saiatuko direla.
Lyndie Tchaptchetek ez du Super Amara Bera Beran jarraituko 2026-27 denboraldian
Nazioarteko pibote nafarrak, Donostian arrakastaz betetako bi denboraldiren ostean, Txapeldunen Ligan helburu handiak dituen klub baten eskaintza onartu du.
Bidasoak galdu egin du Flensburgen, partida oso lehiatu baten ostean (38-35)
Bidasoa Irunek lehia gogorra izan du Alemaniara egindako bisitan, eta sentsazio positiboak utzi ditu emaitza positiboa izan ez den arren.
Irudek Bidasoa-Irunek final-zortzirenetarako txartela lortu du Potaissa Turda mendean hartuta (35-30)
Irungo taldeak landutako garaipena lortu du eta Europako Ligan jarraituko duela ziurtatu du matematikoki.
Bursa Büyüksehir izango da Replasa Beti-Onaken arerioa Europa Kopan
Hala egokitu da astearte honetan Vienan egindako zozketan. Joanekoa Atarrabian jokatuko dute, urtarrilaren 17an, eta itzulikoa, handik zazpi egunetara, Turkian.
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Miguel Etxeberria: ''Pizgarri diren partidak dira''
Beti-Onakek Yellow Winterthur izango du aurkari EHF Europa Kopako hirugarren kanporaketan. Honela ikusten dute partida Miguel Etxeberria entrenatzaileak eta Isi Fernandez-Agusti jokalariak.