Nolakoa da Behobia-Donostia lasterketako ibilbidea?
Ia 30.000 korrikalari bilduko ditu aurtengo Behobia-Donostia lasterketak, emakumezkoen kopurua gero eta handiagoa dela, parte-hartzaileen % 29 emakumeak izango baitira. Ibilbideak, ohikoa denez, 20 kilometroko luzera izango du. Aurten, irteera mailakatua izango da, korrikalariak 19 taldetan banatuz eta bakoitzari ordu bat emanez ibilbidea hasteko. Lehen taldea 09:55ean irtengo da.
Hauek dira 20 kilometro horien xehetasunak:
1. kilometroa: Irteerako zuzengunea Bidasoa ibaiaren ondotik. Guztiz laua, azken metroak izan ezik.
2. kilometroa: Irungo erdialdera helduko gara aldapa leun batetik.
3. kilometroa: Erdialdetik urruntzean, aldapa gogortu egingo da Irungo Bentetarako bidean. Bertan, igoera eta jaitsiera txikiak daude.
4. kilometroa: Arretxe gaina 3,4. kilometroan igaro ostean, aldapa behera, Irun atzean utzita.
5. kilometroa: Aldapa behera. Une aproposa arnasa lasaitzeko, Gaintxurizketako igoerari heldu aurretik.
6. kilometroa: Gaintxurizketako igoeraren hasiera. Aldapa laburra baina gogorra errepide nagusira sartzeko.
7. kilometroa: Gaintxurizketako igoeraren zati nagusia (2 kilometroko aldapa, batez beste % 3ko maldekin).
8. kilometroa: Gaintxurizketa gainera heltzeko azken metroak. Ondoren. 3 kilometroko jaitsiera luzea, Errenteriarantz.
9. kilometroa: Jaitsieraren zati nagusia (batez beste % 3ko maldak).
10. kilometroa: Aldapa behera, Lintziringo merkatalgunetik igaroko gara, lasterketaren erdialdean.
11. kilometroa: Errenteria kanpoaldeko auzoetara iritsiko gara, oraindik ere maldan behera goazela. Orduan, ibilbideko gunerik lauenean sartuko gara (2 kilometro).
12. kilometroa: Tarte guztiz laua, Errenteriako zumardirako bidean.
13. kilometroa: Errenteria erdialdetik igaro ondoren, Kaputxinoen igoerari ekiteko txanda izango da. Kontuan hartzeko moduko igoera da, laburra den arren (450 metro, batez beste % 5eko maldekin).
14. kilometroa: Kaputxinoetako azken metroak (gogorrenak), eta Pasaiarako jaitsiera.
15. kilometroa: Buenavistako igoera eta jaitsiera txikia (Donostiarako sarrera).
16. kilometroa: Altza eta Herrerako auzoetatik zehar, Mirakruz gainera hurbilduko gara. Igoera prestatzeko kilometroa da.
17. kilometroa: Mirakruzeko igoera (1,5 kilometro, batez beste % 3ko maldekin). Kilometro honen bukaeran, Donostiarako jaitsiera luzea hasiko da Ategorrieta Hiribidetik.
18. kilometroa: Gros auzorako jaitsiera zuzen eta luzea.
19. kilometroa: Zurriola hondartzarako zuzengunea Nafarroa Hiribidetik, goranzko joera duen tartean.
20. kilometroa: Azken zuzengunea, erabat laua. Zurriola hiribidea, Kursaal jauregia, Kursaal zubia, Boulevardeko zumardia eta helmuga.
(Iturria: Behobia-Donostia)
Zure interesekoa izan daiteke
Asier Martinezek 110 metroko hesidun proba irabazi du Savonan, Italian
Kirolari nafarrak lehen postua lortu du, 13:34ko denborarekin; Lorenzo Simonelli italiarra, Europako indarreko txapelduna, hirugarrena izan da.
Allyson Felix atletismora itzuliko da, 40 urterekin, Los Angelesen 2028an lehiatzen saiatzeko
2022an erretiroa hartu zuen zen atletak 11 olinpiar domina dauzka bere palmaresean.
?fmt=webp-alpha&qlt=80)
Martin Fiz, Sebastian Sawek marka berria ezarri ondoren: “Aro berri baten hasiera da"
"Duela 30 urte ez nuen imajinatuko, ni bizirik nagoela, inork bat bi ordu baino gutxiago beharko zuenik maratoi ofizial bat egiteko", onartu du Martin Fiz gasteiztarrak, 1995ean Goteborgen maratoiko munduko txapeldun izandakoak. Arabarrak uste du osagai guztiak batu direla: lehen mailako atletak, oinetakoen bilakaera, eta elikadura eta hidratazio pertsonalizatua.
Sabastian Sawek eta Tigst Assefak errekorrak hautsi dituzte Londresko maratoian
Sawe bi orduetatik jaitsi da, maratoi ofizial batean munduko errekorra gaindituz, eta Assefak bere marka hautsi du.
Behobia-Donostia lasterketarako dortsalen zozketa: 41.533 atleta eta 17.287 plaza
Izena emateko epea bukatuta, antolatzaileek apirilaren 29an egingo dute Behobia-Donostia lasterketan parte hartzeko dortsalen zozketa. Maratoi erdia azaroaren 8an lehiatuko da.
Behobia-Donostia lasterketak apirilaren 14an irekiko du bere 61. edizioko dortsalen zozketarako erregistroa
Inskripzio epea apirilaren 22aren arratseraino egonen da irekita
Markel Fernandez: “Domina egindako lanaren erakusgarri da”
Paula Sevilla, David Garcia Zurita eta Blanca Hervasekin batera, zilarrezko domina eskuratu berri du Markel Fernandez atleta bizkaitarrak Torunen, Polonian, Munduko Indoor Atletismo Txapelketan. Nola sentitzen den kontatu du, Euskal Herrira iritsi ostean egindako elkarrizketan.
Markel Fernandezek zilarra irabazi du 400 metroko 4 erreleboko proba mistoan
Sopelako atletak, Paula Sevilla, David Garcia eta Blanca Hervasekin batera, lasterketa bikaina egin du eta Espainiako errekorra hautsi du.
Asier Martinez, 60 metroko hesidun probaren finalerdietan
Nafarroako atleta pista estaliko atletismoko munduko txapelketako finalerdietarako sailkatu da, 7,65 segundoko markari esker, eta bere sasoi onenean jarraitzen duela erakutsi du.
Duplantisek munduko marka hautsi du berriro 6,31 metrotik gora salto eginda
Hamalaugarren aldia da 26 urteko suediarrak munduko errekorra hobetzen duela, 2020ko otsailean 6,17 metroko jauzia egin ostean lehen marka unibertsala hautsi zuenetik.