Arraun Lagunakek bosgarrenez bereganatu du Kontxako Bandera
Arraun Lagunakek nagusitasunez irabazi du Kontxako Bandera, bere aurkariei inolako aukerarik eman gabe, eta denboraldi historikoa biribildu du. San Juan izan da bigarrena, estropada oso ona eginda. Tolosaldeak, berriz, hirugarren tokian bukatu du.
Arraun Lagunakeko arraunlariak garaipena ospatzen. Argazkia: EFE
Donostia Arraun Lagunakek aurreikuspen guztiak bete ditu, eta gaur Kontxako Bandera eskuratu du bosgarren aldiz, laugarrenez jarraian. Horrela, bada, Lugañene ontziko arraunlariek denboraldi historikoa gauzatu dute, aurten lehian izan diren estropada eta bandera guzti-guztiak irabazi baitituzte.
Arraun Lagunakek indarrean ekin dio jardunaldi erabakigarriari, joan den asteburuan lortutako abantailarekin espekulatu gabe, eta berehala atera die lauzpabost segundoko aldea San Juani, Tolosaldeari eta Astillerori.
Ziabogaren ostean, San Juan gainera etorri zaio Lugañene ontziari, baina liderrak ez dira urduri jarri. Alderantziz, eroso joan dira, eta bigarren luzean aurrera egin ahala, berriro zabaldu dute tartea, eta denboraldi guztian erakutsi duen nagusitasuna erakutsiz irabazi du Kontxako Bandera, bosgarren aldiz, 10 minutu eta 31 segundoko denbora eginez.
Arraun Lagunak beste maila batean dagoela kontuan hartuta, San Juanek egindako estropada nabarmentzekoa izan da. Sanjuandarrek lan oso ona egin dute, eta bigarren tokian bukatu dute Kontxako Bandera, Tolosaldeari aurrea hartuta. Astillero, berriz, laugarren izan da.
Lehen txandan, Hibaika izan da azkarrena, estropada oso ona eginda, lanak 10 minutu eta 49 segundoan bukatu baititu. Errenteriako ontzia hasieratik joan da buruan, eta ziaboga egin ostean egin die ihes aurkariei.
Bigarren posturako, berriz, lehia estua izan dute Oriok eta Donostiarrak, eta, azkenean, traineru horia sailkatu da aurretik, ozta-ozta izan bada ere. Zarautz izan da azkena Kontxako Banderan.
Zure interesekoa izan daiteke
Orio koroatu da Kontxan, bigarren jardunaldian erakustaldia emanda
Lehen jardunaldiko denborekin batuz, Orio jaun eta jabe izan da Kontxako sailkapen nagusian. Bigarren postua etxeko traineruak lortu du, Donostiarrak, 16 segundora, eta hirugarren postua Zierbenarentzat izan da, 31 segundora.
Nagore Osoro: “Hau ez da normala, eta horrelako momentuak disfrutatu egin behar dira”
Donostia Arraun Lagunakek aurreikuspen guztiak bete ditu, eta igande honetan Kontxako Bandera eskuratu du bosgarren aldiz. Horrela, Lugañene ontziko arraunlariek denboraldi historikoa osatu dute, aurtengo ekitaldian lehian izan diren estropada eta bandera guztiak irabazi baitituzte.
Horrela astindu dute Kontxako Bandera Arraun Lagunakeko arraunlariek!
'Lugañene' ontziko arraunlariek aurreikuspenak bete dituzte eta aise nagusitu dira 2026ko Kontxako Banderan, bigarren jardunaldian ere erakustaldia emanda. Bosgarren Kontxako Bandera da Donostiako klubarentzat.
Xubane Uribarrena: “Kontxako Bandera batekin amesten genuen, bosgarrena lortuta, asimilatu gabe gaude oraindik”
Donostia Arraun Lagunakek historia egin du berriro Kontxako badian. Nagore Osorok gidatutako eta Juan Mari Etxabek zuzendutako tripulazioak 2026ko Kontxako Bandera irabazi du, emakumezkoen arrauneko nagusitasun eztabaidaezina berretsiz. Lugañenek bosgarren bandera, laugarrena jarraian, eskuratu du.
2026ko Kontxako Banderaren 2. jardunaldiko kaleen zozketaren emaitza
Emakumezkoen estropada 11:00etan hasiko da, eta gizonezkoena, berriz, ordubete beranduago, 12:00etan.
ARRAUNA ZUZENEAN: Kontxako Banderaren 2. jardunaldia
Jarraitu zuzenean 2026ko Kontxako Banderaren bigarren jardunaldia.
Faborito nagusiak Kontxan entrenatu dira, egun handiaren atarian
Orio eta Donostiarra ontziek gizonezkoetan, eta Arraun Lagunakek emakumezkoetan, lan saioa egin dute Donostiako Badian, Kontxako Banderaren bigarren eta azken jardunaldiaren atarian. Oriok bi segundoko aldea du Donostairrarekin, eta "Lugañenek", berriz, bederatzikoa Tolosaldearekin.
“Kontxa Hondotik”: sentimenduen askapena, helmugaratzearekin batera
Behin traineruak helmugara heltzen direnean eta egindako lan gogorraren ostean, barneko sentimenduak askatzen dira eta eztanda egiten dute, batez ere jomugan jarritako helburuak bete diren kasuetan. Lortutako garaipenek beti uzten dituzte irudi gogoangarriak Kontxako Badian. bandera astintzerakoan.
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.