Urdaibaik irabazi du Sestaoko Bandera, atzetik aurrera eginda
Urdaibaik bereganatu du Sestaoko Bandera, eta atzoko arantza kendu du, atzetik aurrera eginda ere irabazten badakiela erakutsita. Hondarribiak lan bikaina egin du, baina azken luzean indarra galdu du, eta azken txanpan aurrea hartu diote Gorka Aranberrik zuzendutako traineruak eta Zierbenak. Horrenbestez, bermeotarrek sendo eusten diote Eusko Label Ligako lidertzari.
Lehenengo txandan, borroka handia izan dute Lekittarrak eta Cabok. Parean ibili dira une oro, baina azken ziaboga azkarrago egin dute galiziarrek, eta haiek nagusitu dira helmugan, lau segundoko aldearekin. Askoz atzerago sartu dira San Pedro (+22) eta Bueu (+32).
Bigarren txandan, Donostiarra, Getaria, Ondarroa eta Kaiku aritu dira, eta atera direnerako, haizeak estropada eremua aldatu du. Donostiarrak lan oso ona egin du, baina hirugarren ziabogan kateatu egin da, eta arerioekiko abantaila galdu. Edonola ere, txanda irabazi du, ordura arteko denborarik onena ezarrita: 20 minutu eta 16 segundo. Ondoren iritsi dira Ondarroa (+6), Getaria (+7) eta Kaiku (+24).
Ohorezko txanda, berriz, ezustekoarekin hasi da. Ontziak abiatu eta gutxira, epaileak bandera gorria altxatu du, irteera baliogabetuz, Urdaibairen trainerua pixka bat aurreratuta zegoela iritzita.
Ezustekoak ezusteko, bigarren saiakeran jarri da martxan faborito nagusien estropada, eta sekulako ikuskizuna eskaini dute. Zierbenak irteera oso ona egin du, baina lau ontziak segundo bakarreko aldearekin heldu dira lehen ziabogara, eta parean ekin diote bigarren luzeari, Hondarribia aurrean jarrita.
Hondarribia, Urdaibai eta Zierbena batera heldu dira azken ziabogara, baina azken luzean atzetik aurrerakoa egin du Urdaibaik, eta eskuan zuen garaipena kendu dio Hondarribiari, estropada 19 minutu eta 55 segundoan bukatuta. Zierbena izan da bigarrena (+2.30), azken metroetan Joseba Amunarrizek zuzendutako traineruari aurrea hartuta. Gipuzkoarrak hirugarren postuarekin konformatu behar izan dira (+2.52), lan bikaina egin arren.
Gauzak horrela, Urdaibaik Eusko Label Ligako lidertza sendotu du, 71 puntu pilatuta, eta atzetik ditu Zierbena (64) eta Hondarribia (59). Sailkapenaren zuloan hondoratuta segitzen du Bueuk.
Zure interesekoa izan daiteke
Bermeoren azken metroak Getxoko Ikurrinan
Ikusi berriro nolakoak izan diren Euskotren Ligako Getxoko Ikurrinaren azken metroak. Bermeok astindu du bandera.
Jon Salsamendi: “Gaur Bermeo ez da talderik onena izan”
Urdaibako entrenatzailea bere taldearen garaipenarekin pozik agertu da, baina ez du uste Getxoko estropadan arraun egiten onenak izan direnik. Larunbatean itsasoak kendu ziena, baina, bueltan eman die igandean.
Bermeo, amesgaiztotik loriara Getxoko Ikurrina irabazita
Lehen txandan aterata, denborarik onena egin du; Getaria izan da bigarren, eta Lekittarra, berriz, hirugarren. Bestalde, ohorezko txandakoek egun beltza izan dute, eta onena, Zierbena, zazpigarren postuan sailkatu da.
Orioren estropada Fabrika Banderan, minikameratik ikusita
Oriotar ontziak Eusko Label Ligako zortzigarren jardunaldian Gorka Aranberriren ontziak irabazitako estropada, ontzi barruko minikameratik ikusita.
Urdaibai kanporatu egin dute, bigarren ziabogako baliza istriborrean uzteagatik
Asier Zurinagak gidatzen duen ontzia deskalifikatu egin dute XVIII. Fabrika Banderan, bigarren ziabogako baliza istriborrean uzteagatik.
Gorka Aranberri: “Estropada eroa izan da”
Orioko patroiak San Nikolas ontziaren garaipenaz hitz egin du. Onartu du estropada "eroa" izan dela: "Itsasoaren nibelean jartzen ez bazara, jan egiten zaitu". Gaurko kondizioak arriskutsuak izan direla onartu du, baina "arrauna hau da", esan du.
Donostiako kaosaren erdian, Orio garaile berriro
Oriotarrek Donostian jokatutako XVIII. Bandera Fabrika irabazi dute, eguraldi baldintza zailen erdian, eta kolpe gogorra eman dute Bermeoren deskalifikazioa dela eta ligako titulua lortzeko. Hondarribia izan da bigarren eta Zierbena, hirugarren.
Belaunaldi aldaketa betean dago Hondarribia
Duela bi urte Hondarribiako zortzi arraunlarik taldea utzi zuten. Ondorioz, harrobiko hainbat arraunlari igo zituzten lehen taldera. Horien artean Iker Huarte, Mattin Colas eta Xabier Olaskoaga daude.
Joseba Rodriguez: “Tentsio handia egon da hasieratik bukaerara arte”
Orioko arraunlariak lurretik ikusi du gaurko estropada. Estropada estua izan dela esan du eta gaurko garaipenarekin pauso handia eman dutela Eusko Label Ligan. Gaur Zierbenak jarri dizkie zailtasunak, baina "arerioak denak dira". Bi bandera irabazi eta gero Galizian, etxerako bidaia errazagoa izango dela aitortu du.
Orio koroatu da Bueun ere, Zierbenak aurre egin dion arren
Zierbenak zailtasunak jarri dizkio San Nikolas ontziari, azken luzeetara arte aurretik ere jarriz, baina azkenean Gorka Aranberrik gidatutako trainerua gailendu da.