Iker Zabalak ez du Santurtzin jarraituko
Iker Zabalak (Bermeo, 1979) ez du Santurtziko entrenatzaile gisa jarraituko datorren denboraldian, EITB Mediak jakin duenez. Zabala Urdaibairekin negoziatzen ari da, Bermeoko taldea zuzentzeko.
Sotera zuzentzen bost urte arrakastatsu eman ostean, bermeotarrak klub morea uzteko erabakia hartu du. Olatuaren aparrean utzi du, Eusko Label Liga eta Kontxako Bandera irabazi berriak besapean dituela aterako baita Santurtzitik, Liga bigarren urtez jarraian irabazi ondoren, 2020koaren ostean, hain zuzen ere.
2017an ekin zion entrenatzaile lanari Santurtzin Zabalak, Itsasoko Ama KAE2 mailan zegoela. Negu horretan, baina, KAE1era igotzeko parada izan zuen Oiartzunek trainerua atera ez zuelako. Denboraldi horretan, KAE1eko txapeldunorde geratu zen Donostiarraren atzetik, baina igotzeko play-offetan lehen postua eskuratuta, TKE ligara igo zen. Ordutik aurrera, maila gorenean jardun du talde morearekin. Hasierako hiru urteetan, entrenatzaile zein arraunlari gisa aritu zen bertan, eta azken bietan, entrenatzaile gisa baino ez.
Arrakastaz beteriko palmaresa
Iker Zabalak palmares aparta bildu du bere kirol ibilbidean zehar, arraunlari zein entrenatzaile gisa:
· 7 Eusko Label Liga: 5 Urdaibairekin, arraunean (2004, 2007, 2008, 2010 eta 2016), eta 2 Santurtzirekin, entrenatzaile gisa (2020 eta 2021).
· 7 Kontxako Bandera: 5 Urdaibairekin, arraunean (2010, 2011, 2014, 2015 eta 2016), 1 Castrorekin (2006) eta 1 Santurtzirekin, entrenatzaile gisa (2021).
Zure interesekoa izan daiteke
“Kontxa Hondotik”: sentimenduen askapena, helmugaratzearekin batera
Behin traineruak helmugara heltzen direnean eta egindako lan gogorraren ostean, barneko sentimenduak askatzen dira eta eztanda egiten dute, batez ere jomugan jarritako helburuak bete diren kasuetan. Lortutako garaipenek beti uzten dituzte irudi gogoangarriak Kontxako Badian. bandera astintzerakoan.
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.
“Kontxa Hondotik”: nola eragiten du haizeak Kontxan?
Kontxako Bandera jokatzen den garaian, hiru haize mota izaten dira gure kostaldeetan: hego-haizea, ipar-ekialdekoa eta ipar-mendebaldekoa. Adi haiei buruzko Ibon Gaztañazpiren azalpenei, bakoitzak era desberdinean baldintza baitezakete traineruen jarduna Kontxako Banderan.
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.