Hondarribiak irabazi du Zarauzko Ikurrina, Santurtzirekin lehia ikusgarria izan ostean
Hondarribiak bosgarrenez irabazi du Zarauzko Ikurrina, bi jardunaldiean Santurtzi aurkari nagusiari gailenduta. Soterak Eusko Label Ligako lehen postuan jarraitzen du, denboraldia amaitzeko sei jardunaldi falta direnean.
Ligako bi ontzi indartsuenak ohorezko txandan aritu dira Oriorekin (atzo bigarrenean aritu zen) eta Donostiarrarekin batera. Lehen luzean berdintasuna izan da nagusi eta Soterak egin ditu denborarik onenak lehen hiru ziabogetan. Hirugarrenean zabaldu du zuloa, hain zuzen, Ama Guadalupekoarekin, 5 segundoko aldea izan da una horretan ligako bi oilarren artean. Bazidurien gipuzkoarrek lehen jardunaldian lortutako 1:70ko aldea iraultzeko gai izango zela Sotera. Baina ezda horrelakorik gertatu.
Azken luze ikusgarria eghin dute biek, eta Hondarribiak egoera irauli egin du, helmugan bizkaitarrei hiru segundo aterata. Donostiarra hirugarren postuan sratu da, 9 segundora, eta Orio laugarren, 11 segundora.
Bigarren txandan, Zierbena jaun eta jabe izan da Bermeorekin, Lekittarrarekin eta Ondarroarekin izandako norgehiagokan. Galipoak bosgarren izan dira Zarauzko Ikurriñako sailkapen orokorrean, bi jardunaldietako denborak kontuan izanda. Lehen txandan, berriz, Lekittarra izan da onena, Caboremn eta Tiranen aurretik.
Eusko Label Ligako sailkapenari dagokionez, Santurtzik zazpi puntuko aldea du Hondarribiarekin, eta 26 Donostiarrarekin.
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.