Hondarribiak irabazi du Caixabank Bandera
Hondarribiak denboraldiko lehen bandera irabazi du Castroko uretan jokatutako ligako 7. jardunaldian aise gailenduta. Gipuzkoarrek denboraldiko bigarren garaipena lortu dute eta erakustaldia eman dute txanda nagusian, jaun eta jabe izan baitira.
Ama Guadalupekoa ohorezko txandako traineruen artean azkarrena izan da. Hiru traineru aritu dira bakarrik txanda nagusian, Zierbena azken orduan kanpoan geratu baita arraunlari batek Covid-19agatik positibo eman ostean. Galipoek 9 puntu lortu dituzte gaur eta bihar beste 9 gehituko dituzte, Lekeition lehiatu ez arren, hori baita lehen sei jardunaldietan lortutako puntu konpuruaren batez bestekoa.
Hondarribia ez du aurkaririk izan txanda nagusian. Euskadiko txapelduna bigarren luzean jarri da estropadaren buruan eta posizio horri eutsi dio bukaera arte, azken luzean batez ere aldea nabarmen handituz. Orio bigarren izan da ia 10 segundora eta hirugarren postua bigarren txanda irabazi duen Donostiarrarentzat izan da. Traineruek estropada oso teknikoa egin behar izan dute, haizearen eta korrontearen indarraren ondorioz.
Santurtzi Eusko Label Ligako liderra hirugarren izan da ohorezko txandan eta laugarren estropadako sailkapen nagusian, Hondarribiak baino 20 segundo gehiago eginda.
Lehenengo txandan, berriz, Ares izan da azkarrena, 21:13ko denbora eginda, Lekittarraren, Tiranen eta Zarautzen aurretik.
Zure interesekoa izan daiteke
Euskotren eta Eusko Label ligetako lehen estropada, Buitrago del Lozoyan
Aurtengo arraun denboraldia Buitrago del Lozoyan abiatuko da, Madrilen, estropada berezi batekin. Lehen hitzordu hori ekainaren 28an izango da. Astearte goizean egin dute aurkezpena.
Mikel Olazabalek Airean saria jaso du
EITBKirolak lantaldeko kazetaria saritu du Euskadiko Irrati eta Telebistako Profesionalen Elkarteak. Mikel Olazabalek erretiroa hartuko du laster, eta 42 urteko ibilbide profesional luzearen ondoren saria jaso du. Kirol zuzendaria izan da urte askotan ETBn, eta udan estropaden ahotsa eta aurpegia zen.
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.