Arraun Lagunak eta Hondarribia dira Euskadiko arraunketako txapeldun berriak
Euskadiko Traineru Txapelketa jokatu da asteazken honetan Lekeitioko uretan. Emakumezkoen kategorian, zortzi klub ziren parte hartzekoak, baina, azkenerako, zazpi besterik ez dira izan ur gainean, Zumaiako ontziak arraun egiteari uko egin baitio azken unean, etxean zegoen kide batek koronabirusean positibo eman duela jakin eta gero.
Hala, lehiaketari dagokionez, aurreikuspenak goitik behera bete dira; izan ere, emakumezkoen 13. ekitaldian, Euskotren Ligako egungo liderrak, hots, Donostia Arraun Lagunakek, bereganatu du garaipena (10:38). Haren atzetik izan dira Orio bigarren postuan, 11 segundora, eta Donostiarra hirugarrenean, 17ra. ETE ligan ari den Deusturentzat izan da laugarren tokia, goragoko mailan jarduten duen Hondarribiari aurre hartuta. Azken bi postuak Tolosaldea eta Ondarroarentzat izan dira, irabazleengandik urruti.
Hondarribia, nagusi 36. ekitaldian
Gizonezkoen mailan, berriz, Hondarribia nagusitu da Lekeition. Ama Guadalupekoak bigarren txandan atera da, eta Oriok lehendabizikoan ezarri duen denbora (19:54) zeukan gainditu beharra. Hondarribiarrek lehia estua izan dute Donostiarra ontziarekin hirugarren luzearen erdira arte, ia parez pare izan baitira orduraino.
Alabaina, Ioseba Amunarriz patroiak gidatutako traineruak zuloa zabaldu du hirugarren ziabogara arteko tarte horretan. Hala, azken maniobra egiterakoan, 7 segundoko aldea zabaltzea erdietsi du Donostiarrarekiko. Hondarribiarekin batera aritu diren Santurtzi eta Zierbena aukerarik gabe zeuden ordurako, 12 eta 15 segundora baitzeuden, hurrenez hurren, Oriok baino denbora kaskarragoa eginez.
Ama Guadalupekoak errentari eutsi dio azken luzean, eta nagusitasunez bereganatu du Euskadiko Traineru Txapelketako 36. ekitaldia, 19:46ko denborarekin. Ondoren, Donostiarra eta Orio sailkatu dira, 6 eta 8 segundora. Ikurrina irabazteko hautagai garbia zen Santurtzi laugarren izan da, 11ra. Are okerrago egin du Zierbenak, zazpigarren bukatu baitu, ia 22ra. Juan Zunzunegik entrenatzen dituen mutilen aurretik ibili dira Urdaibai eta Ondarroa. San Pedroko Libia izan da azkena.
Zure interesekoa izan daiteke
San Juan igo berriak aurreikuspen guztiak gainditu ditu
Sanjuandarrek atzean utzi dute Donostian gertatutakoa. Beldurrak ere atzean utzi dituzte, eta orain gozatzen ari dira. Aurrerapauso handia izan da batelarientzat Arraun Lagunak eta Tolosaldearen pare aritzea.
Iker Zabala: “Denboraldiaren bigarren erdi oso eskasa egin beharko genuke Ligak eskuetatik ihes egiteko"
"Liga erabakita dagoela uste dut, goizegi da esateko, baina abantaila eta errendimendua ikusita, oso zaila da eskuetatik ihes egitea", esan du Orioren entrenatzaileak. "Asteburu izugarria izan da, larunbatean zein igandean trainerua oso ondo ibili da", azpimarratu du. Hala ere, "aurkariek aurrerapauso bat eman dute", ohartarazi duenez.
Gaztañazpik arraun asteburuak utzitako lerroburuak aztertu eta galdera batzuk planteatu ditu
TKEko Diziplinako epaile batek abiatutako prozedurari buruz, "zigortzen badituzte ez naiz harrituko", esan du EITBko arraun adituak. "Zergatik ez zen irteerarik izan, San Juan garaiz egon arren?", galdetu du. Bestalde, adierazi du Chapelak metro gehiago egin zituela Ibaizabalen, balizara lehenago iristeko; uberan joateagatik egin zuten ohartarazpena epaileek, eta Getaria eta Zierbenaren arteko arraun kolpea ere izan du hizpide.
TKEko Diziplinako epaile bakarrak diziplinazko prozedura ireki die Euskotren Ligako sei klubi, Fabrika Bandera uzteagatik
Astillero, Arraun Lagunak, Hibaika, Orio, Tolosaldea eta Zumaia dira sei klub horiek. Fabrika Bandera uztailaren 25ean jokatzekoa zen, baina bertan behera utzi zuten.
Orioren azken metroak Lekeitioko estropadan
Ikusi berriro nolakoak izan diren Orioren azken metroak Eusko Label Ligako Lekeitiko estropadan, ontzi barrutik ikusita.
Oriok ez du ustekabekorik izateko lekurik utzi Lekeition
San Nikolas ontziak udako zortzigarren garaipena lortu du Lekeitioko XLI. Ikurrina irabazita. Donostiarra izan da bigarren, 7 segundora, bigarren txanda irabazi eta gero, eta hirugarrena, berriz, Lekittarra izan da, 8ra, etxeko estropadan lehen txanda aise menderatu ostean.
Gorka Aranberri: “Begiz jota geneukan Lekeition bandera bat irabaztea lehenengoz"
Gorka Aranberri Orioko patroiak Lekeition irabazitako banderaz hitz egin du, Eusko Label Ligako 11. jardunaldian.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
Arraun Lagunaken azken metroak Lekeitioko estropadan
Ikusi berriro nolakoak izan diren Arraun Lagunaken azken metroak Euskotren Ligako Lekeitioko estropadan, ontzi barruko kameratik ikusita.
Jule Arkotxa: “Bagenekien Lekeitioko estropada eremua tranposoa zela"
Jule Arkotxa Arraun Lagunakeko patroiak Lekeition irabazitako banderaz hitz egin du, Euskotren Ligako 11. jardunaldian. Bueltako luzean ez direla talde bezala "batu" adierazi du, baina egoerari aurre egiten jakin dutela.