Hondarribiak eraman du denboraldiko lehen estropada, Santurtzi oso gertu duela
Hondarribiak indartsu hasi du denboraldia, eta berak egin du denborarik onena Coruñako Banderako lehen jardunaldian. Hala ere, garaipen estua izan da gipuzkoarrena, Santurtzi (bigarren txandako onena) bi segundo baino gutxiagoko distantziara geratu baita.
Hondarribiak, hirugarren txandan, abantaila izan du, beste bien erreferentziak izan dituelako. Orio izan da onena lehenengoan, eta Santurtzi aise nagusitu da bigarrenean.
Lehen txandan, Orio, Donostiarra, Ares eta Ondarroa aritu dira. Hasi aurretik, minutu bateko isilunea gorde dute COVID-19aren ondorioz hildakoengatik.
San Nikolas ontzia (aurreko denboraldiko txapelduna) jaun eta jabe izan da lehen txandan, baina azken sailkapenean laugarren postuarekin konformatu behar izan du.
Bigarren txandan, Santurtzik aurrea hartu du, eta berak jarri du estropadaren erritmoa; aurkariek ezin izan diete bizkaitarrei jarraitu. Cabok minutu erdi gehiago behar izan du txanda amaitzeko, Lekittarra 33 segundora sartu da eta Zarautz 37ra.
Santurtziren denbora izan da hirugarren txandan aritu direnen erreferentzia: Urdaibai, Zierbena, Kaiku eta Hondarribia. Gipuzkoarrak nagusitu dira txanda honetan, bigarren izan den Urdaibairi 16 segundo aterata.
Ama Guadalupekoa ontziak ez du arazorik izan bere txandan nagusitzeko. Kaiku atzean geratu da hasieratik, eta Urdaibaik eta Zierbenak ezin izan diete berdeei jarraitu.
Gipuzkoarrak ez dira lehiatu atzetik zituen ontziekin, bigarren txandan nagusitu den Santurtzirekin baizik. Azkenean bi segundo baino gutxiagoko aldea izan da bien artean, eta lehia gogorra aurreikusten da igandean jokatuko den bigarren jardunaldirako. Denboraldiko lehen bandera dago jokoan.
Zure interesekoa izan daiteke
“Kontxa Hondotik”: sentimenduen askapena, helmugaratzearekin batera
Behin traineruak helmugara heltzen direnean eta egindako lan gogorraren ostean, barneko sentimenduak askatzen dira eta eztanda egiten dute, batez ere jomugan jarritako helburuak bete diren kasuetan. Lortutako garaipenek beti uzten dituzte irudi gogoangarriak Kontxako Badian. bandera astintzerakoan.
“Kontxa Hondotik”: ziabogak zuzen egin eta olatuak ondo hartu
Badira zenbait egoera traineru batean talde-lan estua eskatzen dutenak, horietako bi ziabogak ondo ematea eta olatuak norberaren alde aprobetxatzen jakitea dira. Batek zein besteak arraunlarien eta patroiaren arteko koordinazio egokia eskatzen dute.
“Kontxa Hondotik”: nola eragiten du haizeak Kontxan?
Kontxako Bandera jokatzen den garaian, hiru haize mota izaten dira gure kostaldeetan: hego-haizea, ipar-ekialdekoa eta ipar-mendebaldekoa. Adi haiei buruzko Ibon Gaztañazpiren azalpenei, bakoitzak era desberdinean baldintza baitezakete traineruen jarduna Kontxako Banderan.
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.