Azken hasperenean irabazi dio Oriok Eusko Label Ligako garaile birtualari
Urdaibaik automatikoki ziurtatu du Eusko Label Ligako garaipen birtuala, bermeotarrek laugarren egitearekin ere nahikoa zuten arren, bigarren egin dute etxeko Ikurrinan, Oriorekin bizitako azken lehia estuaren ondoren. Zazpigarren liga du Joseba Fernandezek gidatzen duen taldeak.
Igande honetan Portugaleten jokatu den "El Corte Ingles" Ikurrina soilik falta da Ligari amaiera emateko eta Bou Bizkaia traineruak 16 puntu atera dizkio jada Hondarribiari, hortaz, matematikoki bigarrenak ez luke Urdaibai gainditzeko aukerarik izango.
"San Nikolas" traineru oriotarrak irabazi du larunbat honetan jokatu den Bermeoko Ikurrina, eta honekin batera, hiru dira denboraldi honetan erdietsitako garaipenak. Gainontzeko biak, Orion bertan eta Zarauzko bigarren jardunaldian irabazi zituelarik. Segundotik gora atra dio Urdaibairi Oriok, eta 15 segundo Hondarribiari.
Cabok irabazi du bestalde, estropadako aurreneko txanda eta jardunaldiko laugarren denborarik onena egin du. Donostiarra bestalde, bosgarren izan da eta Santurtzi eta Zierbenak bakoitzak bere txandan, baina biek ala biek denbora bera egin dute. Bukatzeko, Ondarroak itxi du estropadaren sailkapena.
Bermeoko XXXVI Ikurrinako sailkapena:
1. Orio 20.41:16
2. Urdaibai 20.42:68
3. Hondarribia 20.56:96
4. Cabo 20.57:26
5. Donostiarra 21.03:32
6. Santurtzi 21.04:04
7. Zierbena 21.04:04
8. Ondarroa 21.12:22
Eusko Label Ligako sailkapena:
1. Urdaibai 201
2. Hondarribia 185
3. Zierbena 176
4. Orio 168
5. Santurtzi 133
6. Cabo 129
7. Donostiarra 107
8. Ondarroa 93.
Zure interesekoa izan daiteke
San Juan igo berriak aurreikuspen guztiak gainditu ditu
Sanjuandarrek atzean utzi dute Donostian gertatutakoa. Beldurrak ere atzean utzi dituzte, eta orain gozatzen ari dira. Aurrerapauso handia izan da batelarientzat Arraun Lagunak eta Tolosaldearen pare aritzea.
Iker Zabala: “Denboraldiaren bigarren erdi oso eskasa egin beharko genuke Ligak eskuetatik ihes egiteko"
"Liga erabakita dagoela uste dut, goizegi da esateko, baina abantaila eta errendimendua ikusita, oso zaila da eskuetatik ihes egitea", esan du Orioren entrenatzaileak. "Asteburu izugarria izan da, larunbatean zein igandean trainerua oso ondo ibili da", azpimarratu du. Hala ere, "aurkariek aurrerapauso bat eman dute", ohartarazi duenez.
Gaztañazpik arraun asteburuak utzitako lerroburuak aztertu eta galdera batzuk planteatu ditu
TKEko Diziplinako epaile batek abiatutako prozedurari buruz, "zigortzen badituzte ez naiz harrituko", esan du EITBko arraun adituak. "Zergatik ez zen irteerarik izan, San Juan garaiz egon arren?", galdetu du. Bestalde, adierazi du Chapelak metro gehiago egin zituela Ibaizabalen, balizara lehenago iristeko; uberan joateagatik egin zuten ohartarazpena epaileek, eta Getaria eta Zierbenaren arteko arraun kolpea ere izan du hizpide.
TKEko Diziplinako epaile bakarrak diziplinazko prozedura ireki die Euskotren Ligako sei klubi, Fabrika Bandera uzteagatik
Astillero, Arraun Lagunak, Hibaika, Orio, Tolosaldea eta Zumaia dira sei klub horiek. Fabrika Bandera uztailaren 25ean jokatzekoa zen, baina bertan behera utzi zuten.
Orioren azken metroak Lekeitioko estropadan
Ikusi berriro nolakoak izan diren Orioren azken metroak Eusko Label Ligako Lekeitiko estropadan, ontzi barrutik ikusita.
Oriok ez du ustekabekorik izateko lekurik utzi Lekeition
San Nikolas ontziak udako zortzigarren garaipena lortu du Lekeitioko XLI. Ikurrina irabazita. Donostiarra izan da bigarren, 7 segundora, bigarren txanda irabazi eta gero, eta hirugarrena, berriz, Lekittarra izan da, 8ra, etxeko estropadan lehen txanda aise menderatu ostean.
Gorka Aranberri: “Begiz jota geneukan Lekeition bandera bat irabaztea lehenengoz"
Gorka Aranberri Orioko patroiak Lekeition irabazitako banderaz hitz egin du, Eusko Label Ligako 11. jardunaldian.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
Arraun Lagunaken azken metroak Lekeitioko estropadan
Ikusi berriro nolakoak izan diren Arraun Lagunaken azken metroak Euskotren Ligako Lekeitioko estropadan, ontzi barruko kameratik ikusita.
Jule Arkotxa: “Bagenekien Lekeitioko estropada eremua tranposoa zela"
Jule Arkotxa Arraun Lagunakeko patroiak Lekeition irabazitako banderaz hitz egin du, Euskotren Ligako 11. jardunaldian. Bueltako luzean ez direla talde bezala "batu" adierazi du, baina egoerari aurre egiten jakin dutela.