Hondarribiak lidergoari eutsi dio, bederatzigarren garaipena lortuta
Hondarribiak kolpea eman du mahai gainean Caixabank Bandera irabazita eta sailkapenean Urdaibairekin zuen aldea, puntu batekoa, berreskuratuta. Estropada Castro Urdialesen jokatu dute.
Ama Guadalupekoa nagusi izan da txanda nagusian, eta lau segundoko aldea atera die bizkaitarrei. San Juan 37 segundora iritsi da, eta Kaiku, minutu eta bost segundora. Sestaokoak azkenak izan dira estropadako sailkapen nagusian.
Denboraldiko bi ontzi indartsuenen arteko lehia izan da protagonista txanda nagusian. Hondarribia lehen paladetatik jarri da buruan, Bou Bizkaiari 3 eta 8 arteko aldea aterata.
Bermeokoek ez dute amore eman, baina ez dute lortu aldea guztiz murriztea; 3 segundora baino ez dira izan momentu batzuetan. Azkenean, gipuzkoarrak nagusitu dira, lau segundogatik.
San Pedro eta Orio
Estropadako hirugarren postua Oriorentzat izan da. Horiak jaun eta jabe izan dira bigarren txandan. 19 segundo atera dizkiote Cabori, 23 Astillerori eta 28 Tirani.
Lehen txandan, garaipena San Pedrok lortu du, Zierbena segundo bakar batera utzita. Zumaia hirugarren izan da, eta Portugalete, laugarren.
Zure interesekoa izan daiteke
“Kontxa Hondotik": olatuen aurkako borroka
Olatuek dantza izugarria eragiten dute traineruetan: arraunlariek, besteak beste, kolpeak jasotzen dituzte, eta lan handiak ekartzen dizkiete olatuen aurka aritzeak. Alabaina, okerrena traineruan ura sartzea da, eta egoera hori eragozteko badira zenbait baliabide. Ibon Gaztañazpik horien berri ematen digu bideo honetan.
“Kontxa Hondotik”: mareen eragina, Kontxako Banderan
Estropada marea igotzen ari denean egiten dutenean, zer saiatzen dira egiten traineruak? Eta, aldiz, marea jaisten ari bada, zeintzuk dira estropada eremuaren kalerik egokienak? Ibon Gaztañazpik zehaztu digu.
“Kontxa Hondotik”: nolakoa da Kontxako Banderaren estropada eremuaren hondoa?
Duela 40.000 urte, itsasoaren muga gaur egun kanpoko balizak dauden ingurura heltzen zen. Ibon Gaztañazpiren eskutik, estropada eremuaren hondoan sartuko gara; hor izango da jokoan, igandean, Kontxako Bandera.
“Kontxa Hondotik”: garai bateko traineruen eta gaur egungoen arteko aldeak
Nolakoak ziren Kontxako Banderako aurreneko ekitaldietan erabiltzen zituzten traineruak? Eta, hurrengo igandean baliatuko dituztenei erreparatuta, zeintzuk dira euren arteko aldeak? Ibon Gaztañazpik azaldu digu.
Jon Salsamendik ez du jarraituko Bermeoko entrenatzaile bezala
Salsamendik, hala, denboraldia amaituta utziko du Bermeoko kluba, hau da, Kontxako Banderako bigarren jardunaldia eta, Eusko Label Ligan, Bermeoko eta Portugaleteko estropadak jokatuta.
“Kontxa Hondotik”: traineruen koloreak. Zergatik da horia Oriorena, edo arrosa San Juanena?
“Kontxa Hondotik” sortako bigarren erreportajean, Ibon Gaztañazpik azaldu digu zein den traineru batzuen koloreetako jatorria. Ikusiko dugunez, bitxikeriak daude horrekin lotuta.
“Kontxa Hondotik”: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik. OHARRA: Adimen Artifizialrekin sortutako bideoa da.
Arraunlariak leher eginda Kontxako Banderaren lehen jardunaldiaren amaieran
Kontxako Banderaren moduko estropadetan, arraunlariek ahalegin oso handia egin behar izaten dute, traineruak helmugaratu eta berehala ikusten denez. Horren erakusgarri dira Hibaika, Donostiarra (gizonezkoen proban), Arraun Lagunak eta Orio (gizonezkoen proban) traineruen irudiak estropada amaitu ostean.
Ioseba Amunarriz: “Poza ematen du Kontxako ohorezko txandan egoteak”
Hondarribiko patroia oso kontentu agertu da bere taldeak egin duen lanarekin. Bigarren jardunaldian, Ama Guadalupekoa ohorezko txandan izango da, eta Amunarrizek uste du emaitza ona lortu dezakeela maila ona ematen badu.
Donostiarraren azken luzea, Kontxako Banderaren lehen jardunaldian, traineruaren barrutik ikusita
Donostiarra bigarren postuan sailkatu da 2026ko Kontxako Banderaren lehen jardunaldian. Oriok egin du denborarik onena lehen jardunaldian, baina Donostiarrak 3 segundo besterik ez du galdu. Hortaz, Donostiarra eta Orio nor baino nor gehiago arituko dira datorren igandean garaipenaren bila.