Jonathan Milan nagusitu da berriro, eta Tiberik lider jarraitzen du UAE Tourreko bosgarren etaparen ostean
Laugarren etapa irabazi eta hurrengo egunean, Milanek besoak altxatu ditu berriro. Bestalde, Milan Fretin belgikarrak eskuratu du Andaluziako Itzuliko hirugarren etapa, eta Filippo Ganna nagusitu da erlojuaren kontrakoan Algarveko Itzuliko hirugarren etapan.
Jonathan Milan (Lidl Trek) italiarrak irabazi du UAE Tourreko bosgarren etapa (166 km), Dubai Al Mamzar Parkearen eta Hamdan Bin Mohammed Smart Universityren artean, eta Antonio Tiberi herrikideak (Bahrain Victorious) liderraren jertse gorriari eutsi dio.
Laugarren etapa irabazi eta hurrengo egunean, Milanek besoak altxatu ditu, bigarren garaipena jarraian lortzeko. Helmugarako 300 metro falta zirenean erasoa jo du, eta Erlend Blikra (Uno X-Mobility) eta Matteo Malucelli (XDS-Astana) gainditu ditu. Azken esprint horretan, Matteo Milan, Jonathanen anaia, bihurgune batean erori da, baina ondoren tropelarekin jarraitu ahal izan du helmugaraino.
Milan Fretin belgikarrak irabazi du Loperan (Jaen), eta Romeok lider jarraitzen du Andaluziako Itzuliko sailkapen nagusian
Milan Fretin Cofidis taldeko txirrindulari belgikarrak irabazi du ostiral honetan Andaluziako Itzuliaren 72. edizioko hirugarren etapa, Jaen hiriburuaren eta Lopera herriaren artean jokatu dena. 4 ordu, 11 minutu eta 15 segundo behar izan ditu 180 kilometroko ibilbidea osatzeko.
Ivan Romeo espainiarrak (Movistar) Oturan (Granada) irabazi zuen ostegunean, eta sailkapen nagusiko lider jarraitzen du bi etapa falta direnean.
Filippo Gannak irabazi du Algarveko Itzuliko erlojupekoa
Algarveko Itzuliko 3. etapako erlojupekoak amaiera zirraragarria izan du Vilamouran, eta Filippo Ganna espezialista italiarrak bere indarra erakutsi du berriro. Bestalde, Juan Ayuso espainiarrak lidergoa sendotu du sailkapen nagusian, Paul Seixasi zazpi segundoko aldea aterata.
João Almeida portugaldarrak, berriz, ez du bere egunik onena izan. Bertako idoloak espero baino denbora behar izan du, bere ezaugarrietara ondo egokitzen zen krono bat bukatzeko.
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.