Pogacarrek historia egin du bosgarrenez jarraian Il Lombardia irabazita
Tadej Pogacar (UAE) esloveniarrak bere ibilbideko enegarren erakustaldia eman eta bosgarren garaipena jarraian lortu du Il Lombardian, urteko azken monumentuan. "Hosto hilen klasikoa" izenarekin ezagutzen den probaren helmugarako 37 kilometroren faltan egin du ihes, eta bakarrik iritsi da helmugara.
Pogacar ez da markak hausteaz nekatu; izan ere, bere aurretik inork ez du lau aldiz jarraian irabazi Lombardiako proba, eta bost daramatza jarraian. Alfredo Binda italiarra gainditu du, eta irabazleen zerrendako gorenean jarri da Fausto Coppirekin batera, 1946 eta 1954 artean bost aldiz nagusitu baitzen bertan. Gainera, denboraldi berean 5 monumentuetan podiuma lortu duen lehen txirrindularia da.
Esloveniarrak 5 ordu, 45 minutu eta 53 segundo behar izan ditu ibilbidea osatzeko, gainerako txirrindulariek aukerarik izan ez duten lasterketa batean. 1:48ra helmugaratu da Remco Evenepoel (Soudal), bigarren, eta 3:14ra heldu da hirugarrena, Michael Storer (Lidl-Trek).
Sailkapena
1 - Pogacar, Tadej (UAE) 5:45:53
2 - Evenepoel, Remco (Soudal) +1:48
3 - Storer, Michael (Tudor) +3:14
4 - Simmons, Quinn (Lidl trek) +3:39
5 - Del Toro, Isaac (UAE) +4:16
6 - Pidcock, Thomas (Pro Cycling) d. b.
7 - Seixas, Paul (Decathlon AG2R) d. b.
8 - Bernal, Egan (INEOS) d. b.
9 - Vine Jay (UAEl) +4:18
10 - Uijtdebroeks Cian (Visma) +4:30
Zure interesekoa izan daiteke
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.
2026ko Alemaniako Itzuliaren etapa guztien profilak eta ibilbideak
Alemaniako Itzulia abuztuaren 19tik 23ra bitartean jokatuko da, eta Bad Orben hasi eta Heilbronnen amaituko da. EITBk lasterketaren bost jardunaldiak, zuzenean, eskainiko ditu.