Roger Adriak irabazi du Burgosko Itzuliko estreinako etapa, eta lasterketako lehen liderra da
Roger Adriak irabazi du 2025eko Burgosko Itzuliko lehen etapa, Olmillos de Sasamon eta Burgos artean jokatu dena, eta 204,7 kilometroko ibilbidea izan duena.Kataluniarra da lasterketako lehen liderra.
Javier Ibañez, Mikel Bizkarra, Joan Gamundi eta Asier Pablo Gonzalez izan dira eguneko lehen ihesaldiko protagonistak. Ondoren, Carlos García Pierna eta Dries de Bondt batu zaizkie. Garcia Piernak erasoa jo du helmugarako 87 kilometro falta zirenean, eta buruan jarri da, bakarka. Hala ere, geroago, De Bondtek bat egin du espainiarrarekin. Dena den, tropelak harrapatu egin du lasterketa buruko bikotea, etapa amaitzeko 15 kilometro gelditzen zirela.
Gauzak horrela, garaipena Alto del Castillorako igoeran erabaki da. Jordan Labrossek jo du lehen erasoa; Roger Adriak, ordea, azkar erantzun dio. Atzetik, etapa irabazteko faboritoak ziren Isaac Del Toro eta Giulio Ciccone erreakzionatzen saiatu dira, baina biak ala biak erori egin dira. Erorikoaz ohartu gabe Adriaren eta Labrosseren artean erabaki da etapako irabazlea; amaieran, Roger Adria nagusitu da. Jarraian gurutzatu du helmugako marra Labrossek bigarren postuan eta Alfonso Eulalio izan da hirugarren, garailearekiko lau segundora. Mikel Landa 13. postuan helmugaratu da, Adria 11 segundora zuela.
Horrenbestez, Roger Adria da sailkapen nagusiko liderra. Kataluniakoak lau segundoko abantaila du Jordan Labrosse bigarrenarekiko eta 10 segundoko errenta Alfonso Eulalio hirugarrenarekiko.
1. etapako sailkapena:
1 - Adrià Roger (Red Bull) 4:49:46
2 - Labrosse Jordan (Decathlon) d. b.
3 - Eulálio Afonso (Bahrain) +0:04
4 - Bisiaux Léo (Decathlon) d. b.
5 - Caruso Damiano (Bahrain) d. b.
6 - Christen Fabio (Q36.5) +0:07
7 - Eriksson Lucas (Tudor) d. b.
8 - Bernal Egan (INEOS) d. b.
9 - Ryan Archie (EF Education) d. b.
10 - Rivera Brandon Smith (INEOS) +0:11
Sailkapen nagusia:
1 - Adrià Roger (Red Bull) 4:49:46
2 - Labrosse Jordan (Decathlon) +0:04
3 - Eulálio Afonso (Bahrain) +0:10
4 - Bisiaux Léo (Decathlon) +0:14
5 - Caruso Damiano (Bahrain) d. b.
6 - Christen Fabio (Q36.5) +0:17
7 - Eriksson Lucas (Tudor) d. b.
8 - Bernal Egan (INEOS) d. b.
9 - Ryan Archie (EF Education) d. b.
10 - Rivera Brandon Smith (INEOS) +0:20
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.