Oscar Onleyk irabazi du Suitzako Tourreko etapa nagusia, eta Kevin Vauquelinek bereganatu du maillot horia
Picnic-PostNL taldeko Oscar Onley txirrindulari eskoziarrak 2025eko Suitzako Tourreko bosgarren etapa irabazi du, Santa Marian, lasterketako 88. ekitaldiko etapa nagusia, ostegunean; sailkapen nagusiari dagokionez, Arkea-B&BHotels taldeko Kevin Vauquelin ziklista frantziarrak bereganatu du maillot horia, lider jarri baita, eta, hurrenez hurren, 29 eta 39 segundoko aldea du bigarren eta hirugarren postuetan dabiltzan Tudorreko Julian Alaphilippe eta Joao Almeida txirrindulariekiko. Onleyk, irabazitako etapan, Almeida menderatu du, esprintean, helmugako pankartapean.
Bost gizon, alegia, Pello Bilbao (Bahrain-Victorious), Javier Romo (Movistar), Lorenzo Fortunato (XDSAstana), Aleksandr Vlasov (Red Bull-BORA) y Neilson Powless (EF Education), protagonistak izan dira jardunaldian, hainbat kilometro egin baitituzte ihes eginda; berez, euskal txirrindularia, Vlasov eta Powless azken mendatean harrapatu dituzte, 1. mailako Castanedan, etapako azken bost kilometroetan sartuta. Hori baino lehen, Romain Gregoire Castanedarako aurreneko igoeran gelditu da atzean; Groupama taldeko frantziarrak minutu eta erdi inguru galtzen zuen, Onley, Vauquelin, Ben O'Connor, Almeida eta Felix Gall, besteak beste, zihoazen multzoarekiko, eta oraindik beste behin igo behar zuten mendate gogor hori.
Azken igoeran, Alaphilippek jo su lehenengo erasoa, Suitzako Tourra irabazteko lehian dabiltzan gizonei erreparatuta, baina Almeidak eta Onleyk erantzun egokia eman dute; bazirudien, mendateko aurreneko zatian, portugaldarra ez zihoala horren indartsu, baina gerora hobera egin du. 22 urteko eskoziarrak, burua hotz, ospe handiko garaipena eskuratu du, metro erabakigarrietan.
88. Suitzako Tourreko seigarren etapa ostiralean jokatuko dute, 186,7 kilometroko ibilbidea du, eta Churren hasiko da eta Neuhausen am Rheinfallen amaitu. Txirrindulariek 2. mailako bi mendate gainditu beharko dituzte; jardunaldiko lehen erdian daude biak.
ETAPAKO SAILKAPENA
1 - ONLEY Oscar (Picnic) 4:33:28
2 - ALMEIDA Joao (UAE) d. b.
3 - GALL Felix (Decathlon) + 0:23
4 - VAUQUELIN Kevin (Arkea) + 0:57
5 - RICCITELLO Matthew (Israel) + 1:05
6 - VAN WILDER Ilan (Soudal) + 1:14
7 - ALAPHILIPPE Julian (Tudor) + 1:22
8 - KAMNA Lennard (Lidl) + 1:46
9 - GROBSCHARTNER Felix (UAE) + 2:25
10 - BENNETT George (Israel) + 2:38
SAILKAPEN NAGUSIA
1 - VAUQUELIN Kevin (Arkea) 20:12:10
2 - ALAPHILIPPE Julian (Tudor) + 0:29
3 - ALMEIDA Joao (UAE) + 0:39
4 - ONLEY Oscar (Picnic) + 1:21
5 - KAMNA Lennard (Lidl) + 1:44
6 - O'CONNOR Ben (Jayco) + 2:16
7 - GALL Felix (Decathlon) + 2:20
8 - CASTRILLO Pablo (Movistar) + 2:40
9 - RICCITELLO Matthew (Israel) + 3:08
10 - VAN WILDER Ilan (Soudal) + 3:17
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.