Pogacarrek Dauphineko lidergoa berreskuratu du Comblouxen
Tadej Pogacar (UAE Team Emirates) esloveniarrak Dauphine Kriteriumeko lidergoa berreskuratu du Valserhone eta Combloux (126,7 km) arteko seigarren etapa irabazita. Lehen etapa irabazi ostean, bigarrena poltsikoratu du gaur, helmugarako 7,5 kilometrora erasoa jota mahaian kolpe bat emanda.
Jonas Vingegaard (Visma) danimarkarra haren gurpilari jarraitzen saiatu da, baina ez du lortu, eta bigarren helmugaratu da, lider berriarengandik minutu batera. Florian Lipowitz (Red Bull) alemaniarra hirugarren izan da, 1:22ra, eta Remco Evenepoel (Soudal), gaur arteko liderra, bosgarren, 1:50era.
Sailkapen nagusian, Pogacarrek 43 segundora du Vingegaard, bigarren sailkatua, eta 54ra, berriz, Lipowitz, hirugarrena.
Pogacarren UAEk, Evenepoelen Soudalek eta Vingegaarden Vismak hartu dute eguneko zortzi iheslarien jazarpenaren ardura. Mont Saxonnex mendatean Leonard eta Baudin izan dira nagusi, hamar gizoneko taldearekiko minutu bat baino gutxiagoko aldearekin.
Baudin bakarka ihes egiten saiatu da Domancy igo bezain laster, faboritoen kolpe handi batekin bat eginez.
Pogacarren lehen erasoa tontorretik kilometro batera izan da, Evenepoelek eta Vingegaardek amore eman duten lekuan. Munduko txapelduna erraz joan da, eta bakarrik egin du aurrera. Berehala harrapatu du Baudin, mendiko lider izatea lortu duena behintzat.
Evenepoelek, Lipowitzek eta Vingegaardek bat egin dute jazarpenean, ezinean Pogacarren nagusitasunaren aurrean.
6. ETAPAKO SAILKAPENA
1.- POGACAR Tadej (UAE) 2:59:46
2.- VINGEGAARD Jonas (Visma) + 1:01
3.- LIPOWITZ Florian (Red Bull) + 1:22
4.- JORGENSON Matteo (Visma) + 1:30
5.- EVENEPOEL Remco (Soudal) + 1:50
6.- BAUDIN Alex (EF) + 1:56
7.- JOHANNESSEN Tobias Halland (Uno-X) + 2:03
8.- BARRÉ Louis (Intermarché) + 2:04
9.- TULETT Ben (Visma) d. b.
10.- SEIXAS Paul (Decathlon) d. b.
SAILKAPEN NAGUSIA
1.- POGACAR Tadej (UAE) 21:35:08
2.- VINGEGAARD Jonas (Visma) + 0:43
3.- LIPOWITZ Florian (Red Bull) + 0:54
4.- EVENEPOEL Remco (Soudal) + 1:22
5.- JORGENSON Matteo (Visma) + 1:41
6.- DUNBAR Eddie (Jayco) + 2:28
7.- BARRÉ Louis (Intermarché) + 2:39
8.- SEIXAS Paul (Decathlon) + 2:49
9.- JOHANNESSEN Tobias Halland (Uno-X) + 3:21
10.- TULETT Ben (Visma) + 3:26
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.