Jonathan Milanek irabazi du Issoireko esprinta, eta Dauphine Kriteriumeko lider jarri da
Lidl-Trek taldeko Jonathan Milan txirrindulari italiarrak 2025eko Dauphine Kriteriumeko bigarren etapa irabazi du, esprintean, Issoiren, eta, bereganatu duen gainsariari esker, lasterketako sailkapen nagusiko lider jarri da; UAEko Tadej Pogacarrek, lehenengo etapako irabazlea bera, Milanen denbora bera du, baina esprinter italiarrak jantziko du maillot horia astearteko etapan.
77. Dauphine Kriteriumeko bigarren etapan, hainbat gizon saiatu dira ihesaldia sortzen, baina tropelak une oro izan ditu kontrolpean; lasterketa buruan, besteak beste, ikusi ditugu Christopher Juul-Jensen (Jayco-AlUla), Romain Combaud (Picnic-PostNL), Victor Guernalec (Arkéa-B&B Hotels), eta Paul Ourselin (Cofidis). Helmugarako 18 kilometro gelditzen zirela, Picnic taldeko Romain Bardetek aurrera egin du, indartsu; frantziarrak proba hau amaituta utziko du txirrindularitza, alegia, igandean, eta hamar kilometro eman ditu lehenengo postuan, lasterketa ikusten ari ziren zaleek bultzatuta.
Hala, jardunaldia esprintean erabaki da. Horretarako, Jonathan Milan faborito nagusietakoa zen, eta berretsi egin du hori, garaipen ederra lortuta. Esprinter italiarrak Fred Wright (Bahrain-Victorious) eta Mathieu van der Poel (Alpecin-Deceuninck) gainditu ditu, eta, gainsari gisa lortu dituen hamar segundoak kontuan izanik, sailkapen nagusiko aurreneko postura igo da.
Asteartean, Dauphine Kriteriumeko hirugarren etapa izango da jokoan. Briouden hasiko da, eta Charantonnayn amaitu, eta 207,2 kilometroko ibilbidea izango du. Beste behin, eitb.eus-ek eta ETB1ek zuzenean emango dute, 16:00etatik aurrera.
ETAPAKO SAILKAPENA
1 - MILAN Jonathan (Lidl) 4:54:49
2 - WRIGHT Fred (Bahrain) d. b.
3 - VAN DER POEL Mathieu (Alpecin) d. b.
4 - FREDHEIM Stian (Uno-X) d. b.
5 - JEANNIERE Emilien (TotalEnergies) d. b.
6 - TRONCHON Bastien (Decathlon) d. b.
7 - FEDOROV Yevgeniy (XDS Astana) d. b.
8 - LOUVEL Matis (Israel) d. b.
9 - VENTURINI Clément (Arkea) d. b.
10 - TRENTIN Matteo (Tudor) d. b.
SAILKAPEN NAGUSIA
1 - MILAN Jonathan (Lidl) 9:34:51
2 - POGACAR Tadej (UAE) d. b.
3 - VAN DER POEL Mathieu (Alpecin) + 0:02
4 - WRIGHT Fred (Bahrain) + 0:04
5 - VINGEGAARD Jonas (Visma) d. b.
6 - PAGE Hugo (Intermarché) + 0:08
7 - FOLDAGER Anders (Jayco) + 0:09
8 - POLITT Nils (UAE) d. b.
9 - TRONCHON Bastien (Decathlon) + 0:10
10 - JEANNIERE Emilien (TotalEnergies) d. b.
Zure interesekoa izan daiteke
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.
2026ko Alemaniako Itzuliaren etapa guztien profilak eta ibilbideak
Alemaniako Itzulia abuztuaren 19tik 23ra bitartean jokatuko da, eta Bad Orben hasi eta Heilbronnen amaituko da. EITBk lasterketaren bost jardunaldiak, zuzenean, eskainiko ditu.
Silva uruguaitarrak irabazi du Norvegiako Arctic Race
Azken etapan, Cedrik Bakke Christophersen izan da azkarrena. Norvegiarrak lau ordu pasatxoan amaitu du 190,5 kilometroko etapa. Sailkapen nagusiari dagokionez, azken garaipena Guillermo Thomas Silva uruguaitarrarentzat izan da.
Guillermo Thomas Silva garaile hirugarren etapan, Storheia Summiten
Guillermo Thomas Silva (XDS Astana) uruguaitarrak lortu du lehen postua Arctic Raceko hirugarren etapan. Van Eetvelt (Lotto) belgikarra helmugaratu da bigarren, Silvarekin batera. Pinarello (NSN Cycling) hirugarren izan da Storheia Summiten.