Tadej Pogacarrek irabazi du Dauphine Kriteriumeko lehenengo etapa, eta lasterketako aurreneko liderra da
Tadej Pogacar UAE taldeko txirrindulari esloveniarrak irabazi du 2025eko Dauphine Kriteriumeko lehenengo etapa, Montluconen, igandean, eta, ondorioz, lasterketako 77. ekitaldiko lehen liderra da. Pogacarrek Jonas Vingegaard (Visma-Lease a Bike) eta Mathieu van der Poel (Alpecin-Deceuninck) aurreratu ditu esprintean, eta Remco Evenepoel (Soudal Quick-Step) helmugaratu da laugarren postuan. Horrenbestez, sailkapen nagusirako faborito nagusiak (Pogacar, Vingegaard eta Evenepoel) hasieratik ibili dira bikain.
Dauphine Kriteriuma, 2024ko Frantziako Tourreko hiru txirrindularirik onenak (Tadej Pogacar, Jonas Vingegaard eta Remco Evenepoel) aurrez aurre jarri dituen 2025eko denboraldiko aurreneko lasterketa, Domeraten hasi da, eta Arkea-&B Hotels taldeko Pierre Thierry bretoi gaztea izan du protagonista nagusietako bat lehenengo etapan; helmugarako 40 kilometrora, minutu batera zuen tropela, Cofidiseko Paul Ourselinekin ihesean ibili ostean.
4. mailako Cote de Buffonen, Pogacar eta Vingegaard aritu dira tropelaren buruan, indartsu. Bahrain-Victoriouseko Fred Wrightek Thierry harrapatu du. Amaierarako zazpi kilometro falta zirenean harrapatu dute, Buffonerako azken igoeran, amore emanda zegoela.
Aurretik bost kilometro zituztela, Vingegaardek aurrera egin du, eta Pogacar atzetik joan zaio, bai eta Van der Poel eta Buitrago ere. Boskote horrek izan du jokoan probako estreinako jardunaldiko garaipena, sailkapen nagusiko lehiarako hautagai nagusiak tartean zirela. Azken metroetan, Pogacar izan da azkarrena, eta, hortaz, UAEko ziklistak denboraldiko zortzigarren garaipena poltsikoratu du.
Astelehenean, 2025eko Dauphine Kriteriumak bigarren etapa izango du jokoan. 204,6 kilometroko ibilbidea izango du, Premilhat eta Issoire bitartean. EITBk zuzenean emago du, eitb.eus-en eta ETB1en bidez.
Etapako sailkapena
1 - POGACAR Tadej (UAE) 4:40:12
2 - VINGEGAARD Jonas (Visma) d. b.
3 - VAN DER POEL Mathieu (Alpecin) d. b.
4 - EVENEPOEL Remco (Soudal) d. b.
5 - STEWART Jake (Israel) d. b.
6 - PAGE Hugo (Intermarche) d. b.
7 - TRONCHON Bastien (Decathlon) d. b.
8 - VENTURINI Clement (Arkea) d. b.
9 - THOMAS Benjamin (Cofidis) d. b.
10 - PENHOET Paul (Groupama) d. b.
Sailkapen nagusia
1 - POGACAR Tadej (UAE) 4:40:02
2 - VINGEGAARD Jonas (Visma) + 0:04
3 - VAN DER POEL Mathieu (Alpecin) + 0:06
4 - POLITT Nils (UAE) + 0:09
5 - EVENEPOEL Remco (Soudal) + 0:10
6 - STEWART Jake (Israel) d. b.
7 - PAGE Hugo (Intermarche) d. b.
8 - TRONCHON Bastien (Decathlon) d. b.
9 - VENTURINI Clément (Arkea) d. b.
10 - THOMAS Benjamin (Cofidis) d. b.
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.