Pogacarrek bere hirugarren Lieja eskuratu du bakarkako beste erakustaldi batekin
Tadej Pogacar (UAE) esloveniarrak erakustaldia eman du Lieja-Bastogne-Lieja lasterketaren 111. edizioa irabazteko, 252 kilometroko ibilbidean nagusituta.
26 urteko txirrindulariak hirugarrenez irabazi du proba, denboraldiko 7. garaipena eta bere palmareseko 95.a eskuratzeko.
Pogacar sei ordu behar izan ditu helmugaratzeko. Ondoren, 01:03ra, Giulio Ciccone (Lidl Trek) italiarra eta Ben Healy (EF Education) irlandarra iritsi dira, podiuma osatzeko.
Bastogneko lehen gainak igo ahala, iheslarien taldeak kideak galdu ditu bidean. Faboritoen artean, dena kontrolpean zegoen helmugarako 80 kilometroren faltan, eta UAE zen nagusi. Hala ere, Pello Bilbaoren Bahrainen azelerazioak erabaki du abentura.
Lidl Trek taldea lasterketa lehiatzen tematu da Desniera bidean. UAEk erreakzionatu egin du, Pogacar aurrean zuela, Redouten bereak mugitzeko.
Domen Novak taldekide eta herrikideak lan bikaina egin ostean, munduko txapeldunak bere hordagoa bota du Redouten, helmugatik 35 kilometrora. Inork ezin izan dio jarraitu, ezta Remco Evenepoelek ere, bere aurkariaren lehen zartakoari erantzun ezinik. Atzetik, Pidcock, Healy, Alaphilippe, Ciccone, Nys eta Gregoire txirrindulariek osatu duten taldea sortu da.
Erakustaldia erabatekoa izan da, eta Forgesen aldeak handitu dira: minutu bat geroago igaro dira Pidcock eta Healy, eta 1:27ra igaro da Evenepoel.
Pogacarrek aldea handitzen jarraitu du Liejara hurbildu ahala, denboraldiko 7. garaipena eta bere palmareseko 95.a eskuratzeko.
SAILKAPENA
1.- POGACAR Tadej (UAE) 6:00:09
2.- CICCONE Giulio (Lidl) +1:03
3.- HEALY Ben (EF) d. b.
4.- VELASCO Simone (Astana) +1:10
5.- NYS Thibau (Lidl) d. b.
6.- BAGIOLI Andrea (Lidl) d. b.
7.- MARTINEZ Daniel Felipe (Red Bull) d. b.
8.- LAURANCE Axel (INEOS) d. b.
9.- PIDCOCK Thomas (Q36.5) d. b.
10.- POWLESS Neilson (EF) d. b.
Le Courtek ezustekoa eman du emakumezkoen lasterketan
Kimberley Le Court Pienaar (Ag Insurance – Soudal Team) mauriziarrak irabazi du emakumezkoen proba, 152,9 kilometroko ibilbidea egin ondoren esprintean Puck Pieterse (Fenix-Deceuninck) eta Demi Vollering (FDJ – Suez) herbeheretarrak gaindituta.
Lasterkarien artean azkarrena izan da, probako behin betiko ihesa gauzatu ostean, eta bere palmaresean agertzen diren zortzi garaipenen artean garrantzitsuena lortu du.
Abiaduraren legeak erabaki du dena. Atal horretan, Le Court izan da ausartena eta indartsuena. Urrutitik eraso eginda lortu du inoiz amestu ez duen garaipena.
SAILKAPENA
1.- (LE COURT) PIENAAR Kimberley (AG Insurance) 4:15:42
2.- PIETERSE Puck (Fenix) d. b.
3.- VOLLERING Demi (FDJ) d. b.
4.- KERBAOL Cédrine (EF) d. b.
5.- KOPECKY Lotte (DS Worx) +0:24
6.- REUSSER Marlen (Movistar) d. b.
7.- FISHER-BLACK Niamh (Lidl) d. b.
8.- TRINCA COLONEL Monica (AIUIa) d. b.
9.- NIEWIADOMA Katarzyna (CANYON) d. b.
10.- KASTELIJN Yara (Fenix) d. b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.