Almeidak irabazi du La Loge des Gardesen, eta Vingegaard da Paris-Nizako liderra
Joao Almeida UAE taldeko txirrindulari portugaldarrak irabazi du 2025eko Paris-Nizako laugarren etapa, La Loge des Gardeserako igoera gogorrean, asteazkenean, eta, sailkapen nagusian, Jonas Vingegaard Visma-Lease a Bike taldeko ziklista danimarkarra jarri da aurreneko postuan. Etapa, txirrindulariek emandako ikuskizunak ez ezik, eguraldiak ere markatu du; izan ere, hamabost bat kilometro neutralizatuta egin behar izan dituzte, eguraldi eskasagatik.
Hala, Almeidak lehenengo aldiz eskuratu du garaipena 2025eko denboraldian, eta sailkapen nagusian bosgarren postura igo da, Vingegaardekiko 37 segundora. Maillot horiaren jabe denak bost segundora du Matteo Jorgenson taldekidea, alegia, aurreko liderra. Lasterketan, hainbat txirrindularik dute gailentzeko aukera; izan ere, hamahiru gizon daude minutu eta erdian, orandik lau etapa gelditzen direla.
Amaierarako 46 kilometro gelditzen zirenean, zazpi ziklista, Ben Swift (INEOS), Thibault Guernalec (Arkea), Vincenzo Albanese (EF Education), Andreas Leknessund (Uno-X), Sylvain Moniquet (Cofidis), Thomas Gachignard (TotalEnergies) eta Ed Planckaert (Alpecin) ihes eginda zebiltzan; Tobias Foss eta Joshua Tarling (INEOS) eta Dion Smith (Intermarche) 1:35era zihoazen, eta tropela 2:20ra. Une horretan, kontuan izanik eguraldi oso eskasa zegoela eta errepidea oso arriskutsu zegoela, epaileek erabaki dute lasterketa gelditu eta, jarraian, neutralizatzea. Parte-hartzaileak puntu seguruago batera joan dira, helmugatik 30 bat kilometrora, eguraldiak hobera eginda, eta etapa berriro abiatu da.
Azken igoeran, Jonas Vingegaardek jo du eraso nabarmenena sailkapen nagusiko lehian dauden gizonen multzoan, baina, azken zatian, Almeidak harrapatu egin du, eta esprintean mendean hartu.
Ostegunean, 83. Paris-Nizak bosgarren etapa jarriko du jokoan. 203,3 kilometroko ibilbidea izango du, Saint-Just-en-Chevaleten hasita eta La Cote-Saint-Andren amaituta, eta, berriro ere, mendatean bukatuko da jardunaldia, 2. mailako igoera batean. EITB, eitb.eus-en eta ETB4ren bidez, 14:45ean hasiko da etapa ematen; 15:20an, telebistako emanaldia ETB1era pasako da.
Etapako sailkapena
1 - ALMEIDA Joao (UAE) 3:37:06
2 - VINGEGAARD Jonas (Visma) + 0:01
3 - SKJELMOSE Mattias (Lidl) + 0:02
4 - MARTINEZ Lenny (Bahrain) d. b.
5 - LIPOWITZ Florian (Red Bull) + 0:06
6 - JORGENSON Matteo (Visma) d. b.
7 - MCNULTY Brandon (UAE) d. b.
8 - TEJADA Harold (Astana) + 0:17
9 - ARENSMAN Thymen (INEOS) m. t.
10 - CHAMPOUSSIN Clement (Astana) + 0:21
Sailkapen nagusia
1 - VINGEGAARD Jonas (Visma) 11:50:59
2 - JORGENSON Matteo (Visma) + 0:05
3 - SKJELMOSE Mattias (Lidl) + 0:33
4 - LIPOWITZ Florian (Red Bull) + 0:36
5 - ALMEIDA Joao (UAE) + 0:37
6 - ARENSMAN Thymen (INEOS) + 0:56
7 - MCNULTY Brandon (UAE) + 0:58
8 - FOSS Tobias (INEOS) + 1:06
9 - MARTINEZ Lenny (Bahrain) + 1:09
10 - CASTRILLO Pablo (Movistar) + 1:22
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.