Jonathan Milan nagusitu da Tirreno-Adriatico lasterketaren 2. etapako esprintean
Jonathan Milan (Lidl-Trek) italiarrak irabazi du Tirreno-Adriatico lasterketako bigarren etapa, 192 kilometroko ibilbidea izan duena, Camaioren hasi eta Follonican amaituta. Esprintean nagusitu da Milan eta Filippo Gannak (INEOS Grenadiers) jarraitzen du salkapen nagusiko lehen postuan.
Helmugarako 38 kilometro falta zirenean, tropelak eguneko ihesaldiko hiru protagonistak, Davide Bais (Team Polti VisitMalta), Alessandro Tonelli (Team Polti VisitMalta) eta Manuele Tarozzi (VF Group-Bardiani CSF-Faizanè), harrapatu ditu. Ia jarraian, erorikoa izan da tropelean; David Gauduk (Groupama-FDJ) min hartu eta lasterketa utzi behar izan du.
Etapa esprintean erabaki da, eta azken metroetan Milan gailendu da, nagusitasunez. Maikel Zijlaand (Tudor) izan da bigarren eta Paul Panhoet (Groupama-FDJ) hirugarren.
Filippo Gannak sailkapen nagusiko lehen postuan jarraitzen du, bigarren den Milanekiko 19 segundoko abantailarekin. Juan Ayuso (UAE Emirates) hirugarren postuan dago, liderrarekiko 22 segundora.
2. etapako sailkapena:
1 - MILAN Jonathan (Lidl) 4:45:13
2 - ZIJLAARD Maikel (Tudor) d. b.
3 - PENHOËT Paul (Groupama) d. b.
4 - KOOIJ Olav (Visma) d. b.
5 - CONSONNI Simone (Lidl) d. b.
Sailkapen nagusia:
1 - GANNA Filippo (INEOS) 4:57:30
2 - MILAN Jonathan (Lidl) +0:19
3 - AYUSO Juan (UAE) +0:22
4 - PRICE-PEJTERSEN Johan (Alpecin) +0:28
5 - TIBERI Antonio (Bahrain) +0:29
Xabier Mikel Azparrenek lasterketa utzi du
Arratsaldeko azken orduan baieztatu dutenez, Xabier Mikel Azparren Q36.5 Pro Cycling Team taldeko txirrindulari gipuzkoarrak 2025eko Tirreno-Adriatico lasterketa utzi du, helmugarako hamar kilometro gelditzen zirela erorikoa izan duelako.
Azparren amaierako zirkuituko azken itzulian jausi da: "Kommozioa izan du, eta, gure protokoloari jarraituz, ez da irtengo hirugarren etapan", iragarri du, sare sozialetan, bere taldeak.
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.