Merlierrek bere abiadura aprobetxatu du Paris-Niza lidergoan hasteko
Tim Merlier (Soudal Quick Step) Europako txapeldun belgikarra da Paris-Nizako 83. edizioko lehen liderra, Le Perray-en-Yvelinesen hasi eta amaitu den 156,1 kilometroko lehen etapa irabazita.
Merlier nagusitasun osoz heldu da lehenengo helmugara, 75 metroren faltan erasoa jota, Arnaud Demare frantziarra (Arkea) eta Alberto Dainese italiarra (Tudor) gaindituz.
Belgikarrak 6 segundora ditu sailkapen nagusian Demare eta Jhonatan Narvaez ekuadortarra.
Samuel Fernandez asturiarrak (Caja Rural Seguros RGA), Taco Van der Hoorn herbeheretarrak (Intermarche) eta Alexandre Delettre frantziarrak (TotalEnergies) hartu dute parte eguneko ihesaldian.
Helmugatik 52 kilometrora, lasterketa berri bat hasi da, talde handi eta trinkoarekin. Vismak, Soudalek eta EFk hartu dute agintea orduan, azken orduko izuak saihesteko. Helmugatik 19 kilometrora, Julian Alaphilippe (Tudor) munduko txapeldun frantziarra agertu da erasora, baina Matteo Jorgensonek (Paris-Nizako koroaren defendatzailea) gurpila hartu dio.
Helmugatik 2 kilometrora, esprinta lortzeko lehia hasi da. Desordenak, erasoek eta azken orduko ekintzek zalantzan jarri dute irabazlea nor izango zen, Tim Merlier agertu den arte zalantzak argitzeko.
SAILKAPEN NAGUSIA
1.- MERLIER Tim (Soudal) 3:32:03
2.- DEMARE Arnaud (Arkéa) d. b.
3.- DAINESE Alberto (Tudor) d. b.
4.- MOLANO Juan Sebastián (UAE) d. b.
5.- ZINGLE Axel (Visma) d. b.
6.- FEDOROV Yevgeniy (Astana) d. b.
7.- VAN DIJKE Mick (BORA) d. b.
8.- KIELICH Timo (Alpecin) d. b.
9.- ALBANESE Vincenzo (EF) d. b.
10.- WALSCHEID Max (Jayco) d. b.
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.