Kristoff nagusitu da esprintean Andaluziako Itzuliko hirugarren etapan, eta Sivakovek lider jarraitzen du
Alexander Kristoff (Uno-X Moblity) norvegiarrak irabazi du Andaluziako Itzuliaren 71. edizioko hirugarren etapa, Arjona (Jaen) eta Pozoblanco (Kordoba) artekoa (162 km), 3:51:32ko denborarekin, esprintean Ben Turner (Ineos Grenadiers) britainiarra eta Maxim Van Gils (Red Bull-Bora-Hansgrohe) belgikarra mendean hartuta.
Pavel Sivakov (UAE Emirates) frantziarrak lider jarraitzen du sailkapen nagusian, 23 segundora Clement Berthet (Decathlon AG2R) frantziarra eta 26ra Thomas Pidcock (Q36.5) britainiarra dituela. Azken horrek atera dio etekin handiena jardunaldiari, etapak izandako "Urrezko Kilometroaren" hiru esprintetan 6 segundoko saria lortu baitu.
Thomas Silva (Caja Rural–Seguros RGA) uruguaitarra Diego Uriarte (Kern Pharma) nafarra eta Lorenzo Peschi (Petrolike) italiarra izan dira eguneko ihesaldiko protagonistak, eta Silvak mendiko sari nagusiko liderraren elastikoa sendotu du. Tropelak, baina, erreakzionatu egin du, eta pixkanaka aldea murrizten joan da.
Sailkapen nagusiko faboritoen eta esprinterren helburua "Urrezko Kilometroaren" hiru esprintetan segundo gehien lortzeko prestatzea zen. Thomas Pidcockek irabazi du lehena, bigarren sailkatu da beste batean eta hirugarren, berriz, hirugarrenean. Horri esker, 6 segundoko abantaila lortu du.
Ineos eta Uno-X Mobility taldeek agindu dute tropelean, Ben Turner britainiarra eta Alexander Kristoff norvegiarra garaipenaren bila gidatzeko esprintean, eta azken hori nagusitu da Pozoblancon.
3. ETAPAKO SAILKAPENA
1.- KRISTOFF Alexander (Uno-X) 3:51:32
2.- TURNER Ben (INEOS) d. b.
3.- VAN GILS Maxim (Red Bull-BORA) d. b.
4.- PIDCOCK Thomast (Q36.5) d. b.
5.- NAESEN Oliver (AG2R) d. b.
6.- MACIAS Cesar (Petrolike) d. b.
7.- DAUPHIN Florian (TotalEnergies) d. b.
8.- FOLDAGER Anders (Jayco) d. b.
9.- BARRENETXEA Jon (Movistar) d. b.
10.- MARTIN David (Burgos) d. b.
SAILKAPEN NAGUSIA
1.- SIVAKOV Pavel (UAE) 11:33:06
2.- BERTHET Clément (Decathlon) +0:23
3.- PIDCOCK Thomas (Q36.5) +0:26
4.- VAN GILS Maxim (Red Bull) +0:59
5.- WELLENS Tim (UAE) +1:03
6.- SOLER Marc (UAE) +1:35
7.- CRAS Steff (TotalEnergies) +1:42
8.- HOELGAARD Markus (Uno-X) +2:41
9.- STAUNE-MITTET Johannes (AG2R) +2:43
10.- PRODHOMME Nicolas (AG2R) +3:02
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.