Primoz Roglicek irabazi du 2024ko Dauphine Kriteriuma
Primoz Roglicek (BORA-hansgrohe) irabazi du 2024ko Dauphine Kriteriuma. Esloveniarrak sufritu egin behar izan du garaipena bereganatzeko, zortzigarren eta azken etapako bigarrenak, Matteo Jorgensonek (Jumbo-Lease a Bike), 54 segundo atera baitizkio. Hala ere, estatubatuarra minutu bat eta 2 segundora zuenez, garaipenak ez dio ihes egin Roglici. Etapako irabazlea Carlos Rodriguez (INEOS Grenadiers) izan da.
Bederatzi txirrindulariz osatutako taldea ibili da ihes eginda: Bart Lemmen (Jumbo-Lease a Bike), Marc Soler (UAE Emirates), Tim Wellens (UAE Emirates), Bruno Armirail (Decathlon-AG2R La Mondiale), David Gaudu (Groupama-FDJ), Omar Fraile (INEOS Grenadiers), Guillaume Martin (Cofidis), Eduardo Sepulveda (Lotto-Dstny) eta Sean Quinn (EF Education-Easy Post). Taldetxoa tropelaren aurretik iritsi da azken igoerara.
Maldan gora, iheslarien taldetxoa hautsi egin da, eta Giulio Cicconek (Lidl-Trek) sua piztu du faboritoen tropelean. Italiarrak aurretik zituen ziklista guztiak harrapatu eta atzean utzi ditu, eta bakarrik geratu da lasterketaren buruan. Roglic liderraren Bora-hansgrohe taldea, baina, lanean jarri da, eta ez dio abantaila handiegirik hartzen utzi Cicconeri.
Helmugarako 5 kilometro falta zirenean, faboritoen tropelaren erritmoa bizitu du Carlos Rodriguezek, eta atzean utzi du Roglic. Matteo Jorgensonek eta Derek Geek (Israel-Premier Tech) aurrera egin dute espainiarrarekin batera.
Azken kilometroan, atzean geratu da Gee; beraz, etapa garaipena Jorgensonen eta Rodriguezen artean erabaki da. Bien arteko lehian, Rodriguezek lortu du garaipena. Jorgenson izan da bigarren, eta Gee hirugarren. Jorgensonek baino 48 segundo gehiago behar izan ditu Roglicek helmugaratzeko, eta, ondorioz, esloveniarrak irabazi du Dauphine Kriteriuma.
Sailkapen nagusian, Primoz Roglic nagusitu da, Matteo Jorgenson izan da bigarren, 8 segundora, eta Derek Gee hirugarren, 36ra. Euskaldunei dagokienez, Oier Lazkano (Movistar) bederatzigarren izan da, 2 minutu eta 54 segundora, eta Mikel Landa (Soudal Quick Step) hamargarren, 4 minutu eta 13 segundora.
Sailkapen nagusia:
1 - ROGLIC Primož (BORA) 25:35:40
2 - JORGENSON Matteo (Visma) +0:08
3 - GEE Derek (Israel) +0:36
4 - RODRÍGUEZ Carlos (INEOS) +1:00
5 - DE PLUS Laurens (INEOS) +2:04
6 - VLASOV Aleksandr (BORA) +2:06
7 - EVENEPOEL Remco (Soudal) +2:25
8 - CICCONE Giulio (Lidl) +2:54
9 - LAZKANO Oier (Movistar) d. b.
10 - LANDA Mikel (Soudal) +4:13
8. etapako sailkapena:
1 - RODRÍGUEZ Carlos (INEOS) 4:18:02
2 - JORGENSON Matteo (Visma) d. b.
3 - GEE Derek (Israel) +0:15
4 - DE PLUS Laurens (INEOS) +0:35
5 - BUITRAGO Santiago (Bahrain) d. b.
6 - ROGLIC Primož (BORA) +0:48
7 - CICCONE Giulio (Lidl) d. b.
8 - EVENEPOEL Remco (Soudal) +0:58
9 - VLASOV Aleksandr (BORA) d. b.
10 - LANDA Mikel (Soudal) +1:10
11 - LAZKANO Oier (Movistar) +1:22
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.