Dorian Godonek irabazi du Friburgoko esprinta, eta Romandiako Tourreko lider berria da
Decathlon AG2R taldeko Dorian Godon txirrindulari frantziarrak irabazi du 2024ko Romandiako Tourreko lehenengo etapa, esprintean, Friburgon (Suitza), eta lasterketako lider berria da; izan ere, Tudorreko Maikel Zijlaard herbeheretarrari kendu dio maillot horia, azken horrek astelehenean sarrerako etapan nagusitu ostean. Godon izan da azkarrena jardunaldiko irabazlea erabaki duen esprint nagusian; Alex Aranburu (Movistar) zazpigarren helmugaratu da, eta bosgarren dabil sailkapen nagusian, aurreneko postua hamaika segundora duela.
Sei ziklista izan dira eguneko ihesaldian: Juri Hollmann (Alpecin-Deceuninck), Raul Garcia Pierna (Arkea), Fausto Masnada (Soudal Quick-Step), Patrick Gamper (BORA-hansgrohe), Rune Herregodts (Intermarche-Wanty) eta Joey Rosskopf (Q36.5). Kilometro askotan ibili dira lasterketa buruan, eta jardunaldiko azken hamar kilometroetan harrapatu dituzte azkenean, ez aurretik.
Esprintean, etapa garaipena ez ezik, maillot horia ere zegoen jokoan, kontuan izanik Zijlaard liderra atzean gelditua zela. Alex Aranburu zen faboritoetako bat, baina Decathlon taldea izan da nagusi; izan ere, Godonek irabazi du etapa, eta, hori gutxi balitz bezala, Andrea Vendrame taldekidea bigarren sailkatu da.
Ostegunean, etapa menditsua izango da Romandiako Tourrean. Friburgon hasi eta Salvan/Les Marecottesen amaituko den jardunaldiak 171 kilometroko ibilbidea izango du; azken 70 kilometroetan, eguna markatuko duten bi igoerak izango dira: 2. mailako Col de Les Mosses mendatea, eta helmugara daraman aldapa. Azken horrek 7,6 kilometroko luzera du, eta % 7,5eko malda. Aurreikuspena da, hortaz, eskalatzaileentzako eguna izatea.
1. etapako sailkapena
1 - GODON Dorian (Decathlon) 3:49:58
2 - VENDRAME Andrea (Decathlon) d. b.
3 - VERMEERSCH Gianni (Alpecin) d. b.
4 - MENTEN Milan (Lotto) d. b.
5 - ASGREEN Kasper (Soudal) d. b.
6 - GOVEKAR Matevz (Bahrain) d. b.
7 - ARANBURU Alex (Movistar) d. b.
8 - VENTURINI Clément (Arkea) d. b.
9 - GRUEL Thibaud (Groupama) d. b.
10 - GOOSSENS Kobe (Intermarche) d. b.
Sailkapen nagusia
1 - GODON Dorian (Decathlon) 3:52:46
2 - VERMEERSCH Gianni (Alpecin) + 0:06
3 - ALAPHILIPPE Julian (Soudal) + 0:09
4 - VAN DIJKE Tim (Visma) + 0:10
5 - ARANBURU Alex (Movistar) + 0:11
6 - AEBI Antoine (Swiss) d. b.
7 - CHRISTEN Jan (UAE) d. b.
8 - VAN WILDER Ilan (Soudal) d. b.
9 - VENDRAME Andrea (Decathlon) + 0:12
10 - GOVEKAR Matevz (Bahrain) d. b.
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.