2024ko Amstel Gold Raceko ibilbideak, profilak, ordutegiak eta parte-hartzaileak
Historiako hamargarren Amstel Gold Race Ladies Edition lasterketa eta 58. Amstel Gold Race proba igandean jokatuko dituzte, apirilaren 14an, Herbehereetan (gizonezkoen lasterketako zati labur bat Belgikan izango da). Amstel Gold Race Ardeetako Triptikoa izenekoaren aurreneko proba da; hurrengoa asteazkenean jokatuko dute, hilaren 17an, eta Fleche Wallonne da, eta azkena, ordea, hilaren 21ean, igandean, Lieja-Bastogne-Lieja proba. Amstel Gold lasterketan, ohi bezala, parte-hartzaileen zerrenda maila handikoa da; SD Worx taldeko Demi Vollering herbeheretarrak 2023an lortu zuen garaipena berretsi nahi du, eta Alpecin-Deceuninck taldeko Mathieu van der Poel, herbeheretarra bera ere, hautagai nagusia da palmaresean Tadej Pogacarren lekukoa hartzeko, UAE Emirateseko liderrak ez baitu parte hartuko aurtengo ekitaldian. EITBk zuzenean emango du proba, ETB1en eta eitb.eus-en bidez; emanaldia 14:00etan hasiko da, ETB4n eta eitb.eus-en. Telebistako emanaldia, hori bai, 15:00etan ETB1era igaroko da.
2024ko Amstel Gold Race Ladies Editioneko lasterketa
2024ko Amstel Gold Race Ladies Editioneko lasterketa Maastrichten hasiko da (Herbehereak),eta Valkenbburgen amaitu (Herbehereak, hori ere). Txirrindulariek 157,8 kilometroko ibilbidea egin beharko dute, eta proba 10:00etan hasiko da; aurreikuspena da irabazlea 14:08tik 14:15era bitartean helmugaratzea.
Garaipena erdiesteko lehian sartzeko moduan dauden txirrindularien zerrenda luzea da, eta izen handiz josita dago. Hauek nabarmenduko ditugu horretan: SD Worx taldean, Demi Vollering 2023ko irabazlea, Lotte Kopecky belgikarra eta Lorena Wiebes herbeheretarra; Katarzyna Niewiadoma poloniarra (Canyon); Shirin van Anrooij herbeheretarra (Lidl-Trek); Pfeiffer Georgi DSM taldeko britainiarra; UAEko Silvia Persico; eta Marianne Vos herbeheretarra (Visma Lease a Bike).
2024ko Amstel Gold Race Ladies Editioneko lasterketako profila
2024ko Amstel Gold Race
Emakumezkoen lasterketan ere egingo dutenez, gizonezkoen proba Maastrichten hasi eta Valkenburgen amaituko da. Parte-hartzaileak 10:45ean abiatuko dira, eta, 253,6 kilometro eginda, garaileak 16:47tik 16:56ra bitartean altxatuko ditu besoak, helmugako pankartapean.
Azken ekitaldian Tadej Pogacar nagusitu zen, baina esloveniarra ez da irtengo aurtengoan. Horrenbestez, Mathieu van der Poel da faborito nagusia irabazteko; Alpecineko ziklistak 2019an ere eskuratu zuen Amstel Gold lasterketa. Hauek dira beste faborito nagusiak: Joao Almeida, Juan Ayuso eta Brandon McNulty (UAE), Romain Gregoire (Groupama), Thom Pidcock eta Michal Kwiatkowski (INEOS), Matteo Jorgenson (Visma Lease a Bike), Benoit Cosnefroy (Decathlon-AG2R), Ben Healy (EF Education), Matej Mohoric (Bahrain Victorious), Michael Matthews (Jayco-AlUla) eta Mattias Skjelmose (Lidl-Trek).
Jarraitzeko moduko txirrindularien artean Pello Bilbao (Bahrain) eta Alex Aranburu (Movistar) ere badaude. Horiez gain, beste hiru euskal ziklista ere izango dira lasterketan: Jonathan Lastra (Cofidis), Jon Barrenetxea (Movistar) eta Xabier Mikel Azparren (Q36.5).
2024ko Amstel Gold Raceko profila
Zure interesekoa izan daiteke
Pogacar eta Vollering gailendu dira Flandriako Tourrean
Tadej Pogacarrek historia egiten jarraitzen du. Hirugarrenez irabazi du Flandriako Tourra, eta laugarren monumentua bereganatu du jarraian. Demi Vollering, berriz, lehen aldiz nagusitu da Flandrian.
Hau da Pogacar eta Evenepoelen deskalifikazioa eragiteko zorian egon den unea Flandriako Tourrean
Hainbat txirrindularik trenbide pasagune batean aurrera egitea erabaki dute, hesiak jaisten hasi arren, eta araudiak zigortu egiten du hori.
Ion Izagirre, garaile Miguel Indurain Sari Nagusian
Ion Izagirrek hirugarrenez irabazi du Miguel Indurain Sari Nagusia, profesional gisa lehiatuko duen azken denboraldian. Ormaiztegiko txirrindularia bakarka helmugaratu da, bukaerarako bi kilometroren faltan eraso erabakigarria jota.
Izagirre: “Badirudi ongi datorkidan lasterketa dela"
Ion Izagirre (Cofidis) pozik azaldu da Miguel Indurain Sari Nagusia hirugarrenez irabazi ondoren. Ia hiru urte zeramatzan garaipenik gabe, eta etxean irabaztea beti dela berezia azpimarratu du, erretiroa hertuko duen urtean.
Ihesaldia jo eta erakustaldia eman du Ion Izagirrek Miguel Indurain Sari Nagusian
Ion Izagirre (Cofidis) erakustaldia emanez gailendu da 2026ko Miguel Indurain Sari Nagusian. Ormaiztegiko txirrindulariak ihesaldia jo du helmugarako bi kilometro falta zirenean, eta inor ez da bere gurpila jarraitzeko gai izan. Hirugarrenez bereganatu du lasterketa, bere lehen garaipena 2023ko Tourretik.
Brustenga nagusi Adelie de Vitre Klasikoan, Gautherat deskalifikatu ostean
Gautherat deskalifikatu egin dute azken esprintean maniobra irregularra egiteagatik, eta, horrela, Kern Pharma taldeko txirrindulariak eskuratu du garaipena.
-3?fmt=webp-alpha&qlt=80)
Filippo Gannak eta Marlen Reusserrek Flandrian Zehar klasikoan garaipena lortu dute
Txirrindulari italiarrak Wout Van Aert bertako idoloa gainditu du azken metroetan, jazarpen luze baten ostean. Suitzarra, aldiz, Demi Vollering eta Lieje Nooijen neerlandarren aurretik helmugaratu da.
Vingegaardek irabazi du Volta, eta Brady Gilmore nagusitu da azken etapan
Txirrindulari danimarkarrak irabazi du Kataluniako Volta, Gilmore australiarrak azken etapa esprintean eskuratu ostean.
Vingegaardek bideratuta utzi du Volta, mendiko bigarren etapa jarraian irabazita
Kataluniako lasterketako liderrak erasoa jo du etapa amaitzeko 2,2 kilometro falta zirenean, eta bakarrik helmugaratu da, 4 ordu, 5 minutu eta 19 segundoko denbora eginda. Danimarkarrak bigarren etapa jarraian irabazi du, ostiralean Coll de Pal mendatean nagusitu ondoren.
Van der Poel bere erresistentzia erakutsiz gailendu da E3 Saxo Classic lasterketan
Nederlandarrak bere aurkarien arteko desadostasunak aprobetxatu ditu bere ibilbide profesionaleko 60. garaipena lortzeko.