Skjelmose, Paris-Nizako seigarren etapako irabazlea; McNultyk liderraren elastikoa jantzi du
Mattias Skjelmosek (Lidl-Trek) irabazi du Paris-Nizako seigarren etapa, martxoaren 8an Sisteron-La Colle-sur eta Loup artean jokatu, eta 198,2 kilometroko ibilbidea izan duena. Bestalde, Brandon McNulty (UAE Emirates) da orain sailkapen nagusiko liderra.
Tropelak ezin izan dio eutsi danimarkarrak ezarritako erritmoari, eta tropel nagusia irabazlearekiko 52 segundora helmugaratu da, Remco Evenepoel (Soudal-Quick Step) buru zuela. Belgikarrarekin batera iritsi dira Primoz Roglic (BORA-Hansgrohe), Egan Bernal (INEOS Grenadiers), Wilco Kelderman (Visma-Lease a Bike), Harold Tejada (Astana-Kazakhstan) eta Lukke Plapp (Jayco AlUla) lider ohia, besteak beste.
Mads Pedersen, Armirail, Beullens, Scaroni, Leemreize, Zimmermann, Burgaudeau eta Storer izan dira lehen ihesaldiko protagonistak; gero, Pithie eta Haller batu zaizkie Luens mendatearen erdibidean.
La Colle-sur-Loup mendatean, Roglicek erasoa jo du, eta azkar erantzun dio Evenepoelek. Azkenean, Roglicek ezin izan du ihes egin, baina Matteo Jorgensonek hartu haren lekukoa. Hasieran inork ez dio erantzun estatubatuarraren erritmo aldaketari, baina gero McNultyk eta Skjelmosek egin dute bat Visma taldeko liderrarekin. Hirukoteak 50 segundoko aldea atera die faboritoei. Carlos Rodriguez espainiarra atzean geratu da, baita Buitrago kolonbiarra ere, eroriko baten ondorioz.
Etaparen ondorioz, aldaketak izan dira sailkapen nagusian. McNulty dago orain lehen postuan, Jorgenson da bigarren, 23 segundora, eta Plapp hirugarren, 34ra. Gero, Skjelmose da laugarren, 54 segundora, eta Evenepoel bosgarren, minutu bat eta hiru segundora. Egan Bernal Remco Evenepoelekiko 11 segundora dago, Almeida 27ra eta Roglic 41era. Pello Bilbao (Bahrain Vitorious) 19. postuan dago, McNultyrekiko hiru minutu eta 42 segundora.
6. etapako sailkapena:
1 - SKJELMOSE Mattias (Lidl) 4:36:51
2 - MCNULTY Brandon (UAE) d. b.
3 - JORGENSON Matteo (Visma) d. b.
4 - EVENEPOEL Remco (Soudal) +0:52
5 - TEJADA Harold (Astana) +0:53
6 - PARET-PEINTRE Aurelien (Decathlon) d. b.
7 - GALL Felix (Decathlon) d. b.
8 - KELDERMAN Wilco (Visma) d. b.
9 - ROGLIC Primož (BORA) d. b.
10 - BERNAL Egan (INEOS) d. b.
11 - PLAPP Luke (Jayco) d. b.
12 - VLASOV Aleksandr (BORA) +1:13
Sailkapen nagusia:
1 - MCNULTY Brandon (UAE) 22:15:58
2 - JORGENSON Matteo (Visma) +0:23
3 - PLAPP Luke (Jayco) +0:34
4 - SKJELMOSE Mattias (Lidl) +0:54
5 - EVENEPOEL Remco (Soudal) +1:03
6 - BERNAL Egan (INEOS) +1:14
7 - ALMEIDA João (UAE) +1:30
8 - GALL Felix (Decathlon) +1:36
9 - TEJADA Harold (Astana) +1:37
10 - KELDERMAN Wilco (Visma) +1:39
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.