Tim Merlierrek esprintean irabazi du etapa eta bera da UAE Tourreko lehen liderra
Tim Merlier belgikarra (Soudal Quick Step) da aurtengo UAE Tourreko liderraren jertsea jantzi duen lehen txirrindularia, lehenengo etapa esprintean aise irabazita. Lehenengo jardunaldiak 141 kilometroko ibilbidea izan du Al Dhafra Walk Madinat Zayed eta Liwa artean, eta bukaera gorabeheratsua.
31 urteko Merlierrek ez du oztopo handirik izan azken metroetan aurkariei nagusitzeko eta 3 ordu 9 minutu eta 55 segundoko denbora eginda gailendu da, Arvid de Kleijn herbeheretarraren (Tudor) eta Jaku Mareczko italiarraren (Corratec) aurretik. Batez beste orduko 44,5 kilometro egin ditu irabazleak.
Garaipenaren lehian Fernando Gaviria kolonbiarra ere sartu da, berak hasi du esprinta, baina ez du ahalegina ondo kalkulatu, goizegi atera da, eta aurkari batzuek azken metroetan gainditu dute.
Aurretik, helmugarako 200 metrora, hainbat txirrindulari lurrera erori dira, haien artean Astana taldeko Harold Tejada. Kolonbiarrak Gazzoli taldekidearen bizikletan igota sartu behar izan du helmugan, bere bizikleta bultzatzen zuen bitartean.
Asteartean, bigarren etapa korrituko dute, 12,1kilometroko banakako erlojuaren aurkako saioa, Al Hudayriyat Islanden hasi eta amaituta.
Etapa:
1 - MERLIER Tim (Soudal) 3:09:55
2 - DE KLEIJN Arvid (Tudor) d. b.
3 - MARECZKO Jakub (Corratec) d. b.
4 - JAKOBSEN Fabio (dsm) d. b.
5 - WELSFORD Sam (BORA) d. b.
6 - GAVIRIA Fernando (Movistar) d. b.
7 - MOLANO Juan Sebastián (UAE) d. b.
8 - CONSONNI Simone (Lidl - Trek) d. b.
9 - BAUHAUS Phil (Bahrain) d. b.
10 - VAN DE PAAR Jarne (Lotto) d. b.
Clasificación general:
1 - MERLIER Tim (Soudal) 3:09:45
2 - DE KLEIJN Arvid (Tudor) + 0:04
3 - STEWART Mark (Corratec) d. b.
4 - MARECZKO Jakub (Corratec) + 0:06
5 - MURGANO Marco (Corratec) d. b.
6 - BILBAO Pello (Bahrain) + 0:09
7 - VAN BELLE Loe (Visma) d. b.
8 - JAKOBSEN Fabio (dsm) + 0:10
9 - WELSFORD Sam (BORA) d. b.
10 - GAVIRIA Fernando (Movistar) d. b.
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.